بيض المظاريف

[سعد المسعودي]

ماقلت لك !!وصفك عجيب التواصيف = أقول لك وصفك عـديم الوصايف
ياضيف عمري خلف عـوج المهادبف =بيتك تفضل ..وأسكنه فالنوايف
ياأدعج غنج سـود الرموش المواقيف = يانجل حور أهـــداب عكش الصفايف
ياأعف وأطهرقلب خــلف السراجيف = ياهمس رمس الليل حد الرهايف
في ســد وجهي ياعفيف المواليف = لأنحــــر لك الشريان خلف النحايف
ســولف وخل الهرج فنجال للكيف = واقرب وبقدع من اخـــلاص الشفايف
ماهو حب وبانيته الصواديف =ولاهوب حب ملحقين الحسايف
حقوق منشاء وابله فالمراديف = يروي كبود(ن) من ظماها لهايف
يكفيك رعاده ويكفيك لاشيف =بالعين شوف وللسمع بالرجايف
خيره يعم بلاد كل الطواريف =إلا ّ أنت خيرك في رجاء قلب رايف
غني حب القلب من دون تعريف =حب ٍ وحيد ولاطراله نكايف
ماقلتها من باب ستري ورى الزيف =ولانيب راجي من وراها خلايف
ولاهي حقيقة من رجاء عابر الطيف=ويجبر عزى وجد ٍ دموعه ذرايف
أحرسك عين .. وجود لي فالعطاء ريف =وأكفيك من شرك لياصرت خايف
نزف ٍ كتبته فوق بيض ٍ مظاريف=بعيد مايروى بهرج وطرايف

أخوكم : الحرالأشقر