مجاراة ال...بيت...فخامه

[عناد الشيباني]

مجاره لقصيدة بيت الفخامه للشاعر الكبير سعد المسعودي
واتمنى ان ترتقي لو لربع قصيدته
.
..نص (بيت الفخ ـــــامه ) للحرالأشقر

هات القلـم بالشـعر حاضر ولي شف = جواهر الصندوق من صوغ فكري
الشعر بحر ٍ ماتوقف ولاجف = مواهب الخلاق ماهيب جبري
والهرج ماكمـل ولاعز لــه عرف = ولاخطر لــه قيمه ولازاد قدري
مكانتي بالفعل وأسخي لها كف = وفالماقف الغصاب ماأبديت عذري
ولانيب ألــد لـواحد ٍ مابعد ضف = تـوه يقرنس ماعرف حجم كبري
أشـوف ناس ٍ صفت حروفها صف = تبغى الطليعه في ضحى العمر بدري
مايدري إنه شارب ٍ مابعد رف = وأكبر مصيبه لاتجاهل ويدري
غنــاء على ليلاه وإن قلت له كف = مايدري إن العود تاليه مبري
ترى الطليعه مطلع ٍ للرجل ّ كلف = ولحد ٍ وصلّها مع حداّ الربع عبري
مال السهوله فالصعيبات من رف = ولاكل ّ طب ِ لاتداويت يبري
وفالبير راح مقيط ورشاه قد هف = وأنا على ماشوف ياطول صبري
واللي طويل ٍ شاربه فالزمن حف = بيت الفخامه مايبدل بخدري
ماهي وسيله قلّتها والشعر شف = حقيقة ٍ يدريبها اللي مايدري
الحرالأشقر ..
وإليكم مجاراتي

هات القلم من جزل شعري بولف=بايع لهزل القاف والجزله اشري
والشعر بحر`ن` شعار تغرف=وكل`ن` على مشهاه فالليل يسري
احد`ن` ليا قاله وقف فول الصف=واحدن خلاف ايجيه عشرين كبري
والشعر ماهو بالغصيبه يعسف=وانا ان نخيته فالعجل نفذ امري
ومدح الكفو للمدح دايم يشرف=اللي على كسب النواميس يحري
والحرالاشقر كفو للمدح واحلف=واسمه ليا عدو هل الطيب يطري
ابداع شعره مستحيل ان يوقف=شعره يوسع دايما كل صدري
بنا قصور بهامة المجد وغرف=ماياصل الها الاش لو كان يجري
واللحية اللي ماحمت شي تنتف=والفرق واضخ بين هندي ومصري
وختامها ياللي لك الطيب يصرف=عندي نذر بعلنه انا اليوم حصري
والله التبقى الوافي الغالي احلف=هذاه نذر ونذر لوفي بنذري

الشاعر:عناد الشيباني ..