الحكم ... (رداً على الشاعر المعروف : مطلق الفليت )

[سعد المسعودي]

... تجاوباً مع صوت الشاعرالمعروف و الجزل : مطلق الفليت ( أســـد النير ) ... على النص التــــالي :

يابويزيد اعطيت لي كرتن احمر=واللي رفعلـي كرتكـم زيزفونـه
ونا ابدوين امرح الليـل مسمـر=وضع البدويصحابنـا تعرفونـه
رجالهم لاضاق مشلـح يشمـر=وليا رضاء يعطيك حتى عيونـه
عان المدافع في فلسطين تدمـر=وما تدمره حكامنـا ايصلحونـه
لن الرضاء والحب لامنه اثمـر=له ناتجـن ياربـع ماتصدقونـه
وناتجه دولتنـا للبنـان تعمـر=لبنان عانه ويش بعـده ودونـه
عفون عطينا سكتن وجهها اسمر=والله يسامحها اختنا الزيزفونـه
الي حدتني يابونايف على المـر=وخلت نحيبي كلكـم تسمعونـه
ونا ونا مطلق ليا اسهبت مكمـر=شاعر وشعري ذاه شكله ولونـه

الشــــاعر : مطلق الفليت ...
()
()
()
....... وإليكم فيما يلي النص الصدائي ... للصوت الجزل أعلاه ...

الشاعر اللي عن سواعده شمر = يدرك بعلم ٍ كلكم تدركونه
بيض النوايا من عمرها يعمر = وبيته على ساسه يشيّد ركونه
وجيش الأصايل لاولاهن مضمر =على الطليعه كورهن يعتلونه
وقمة عربنا مانصفها معمر = هانه حصانه من سواعي ظنونه
واللي ترك مسمار بإسمه مسمر = وحيّر حلول ٍ بالفكر ياصلونه
والنمر من لونه لشوفك منمر = أسم ٍ على مسمى بشكله ولونه
وعذق الرطب لاعجل سهيل تمر = وعن خرفة الفلاح مايمكنونه
واللي على ناره دفن له مجمر = موته قعد من دون خبزه ودونه
ودام الحكم بالكرت وقف وزمر = أخذ قراره ماتهاون بشونه

أخوكم : سعد المسعودي