اعيادي اثنين وانت الثالث وربي

[شباب السبيعي]

اتمنى ان تنال اعجابكم

يانجمة الحب ياللي في سما قلبي*=نورتي فيني مشاعر بعد ظلماها.
نورك في جوفي يقديني وسط دربي*=امشي ومبصر ورجلي تعرف اخطاها.
عايش بنورك وكنك عايشن قربي*=لك صورتن بالعيون الشوف يرعاها.
مدفي ضلوعي بحبك مدفين حبي*=من عقب فقر المشاعر حبك أغناها.
انا جريد النخل وانت الهوا العبي*=لاهب نسناسك أطرب سمعك إغناها.
اعيادي اثنين وانت الثالث وربي*=لي فرحتن في عياد الثالث القاها.
شلال حبك في قاع القلب منصبي*=من فوقه مزنه مطرها حب واسقاها.
محبرتك القلب دمه حبر واكتبي*=كلمة احبك على صدرك وانا اقراها.
فيني مشاعر ماتبرد نارها تشبي*=ضلعي حطبها ولا احدن يوم طفاها.
ياقبلة الحسن ياللي فيه متربي*=ياضبيتن في خضار الحب مرباها.
الحسن ساجد على وجهه ومنكبي*=ايقبل اقدام زينك يطلب ارضاها.
الله يخليك لي دايم وفي جنبي*=ويقرب ارواحنا ويحقق امناها.
احساسي لك واضحن ماهوب متغبي*=احروفه سرجن ونور السرج معناها.
ذرب(ن)في حبي وانا في حبك الذربي*=ناصل قمم حبنا بالعشق نرقاها.
الحب بيني وبينك درس بالكتبي*=احروفه من صافي قلبن قد درسناها.
واختامها دائي أنت وانت لي طبي*=يامرحبا بالجروح ان كانك ادواها.

وتقبلوا مني التحية