ليلة زفافك ....!!!!

[سعد المسعودي]

http://www.najdyah.com/vb/images/smilies/56o.gif http://www.najdyah.com/vb/images/smilies/F7975.gif http://www.najdyah.com/vb/images/smilies/56o.gif





ليلة زفافك ياحياتي = وشلون أنا مدري قضيته
أبكي وهلن عبراتي = وأعزي قليب ٍ كويته
ضيعت عمري وأمنياتي = وهدمت حلم(ن) لي بنيته
ذكرى السنين الأولاتي = مجهول لامني بغيته
أزهم عسى للصوت يأتي = وأقرب لكني مالقيته
يامن يوصل لي وصاتي = للي عساني مابكيته
للترف معدوم الصفاتي = لأموت وصفه ماوفيته
ريان عوده فالنباتي = من دم وجداني سقيته
عذبه حلا سكر نباتي = يحتل قلبك لادعيته
غرشوب رعبوب البناتي = لوهو نساني مانسيته
قله عليه النايحاتي = ورق الحمام ليالفيته
أنوح وألي مجاوباتي = من جرح قلب ٍ مارفيته
صبرت مايصبر سواتي = و قلب ٍبلاني وأبتليته
منزال حبه وسط ذاتي = وفالقلب مسكانه ومدخال بيته
و سيات روحي وحسناتي = عليك رحمه لا قويته
سجين عفو المقبلاتي = يرجي جزاء ذنبٍ جنيته
ماذاقت عيونه مباتي = والمر من بعدك سقيته
كفيف ماحقق مناتي = والحال عوده من مصابه بريته
ميراد روحي للمماتي = أدرك حياة الحي قدام ميته
أرجي لرب العادياتي = المستجيب ليارجيته
عليه ماتخفى النواتي = وعن سرغيب اللي كنيته
أن مت يجبرلي عزاتي =وإن عشت يدرك ما نويته

/
أخوكم : سعد المسعودي







http://www.najdyah.com/vb/images/smilies/56o.gif http://www.najdyah.com/vb/images/smilies/F7975.gif http://www.najdyah.com/vb/images/smilies/56o.gif