سلسبيل .. ( صدى لـ صوت ) الشاعر : سفير الكويت ..

[سعد المسعودي]

^^
^


مع التحيـــة والتقدير للشاعر القدير : سفير الكويت ... الموقر

السلام عليكم ورحمة الله وبركاته .

. أولاً : كل الشكر المغلف بصادق الأمتنان ..
لما أكرمتني به .. وتخصصتني فيه .. حول أسنادك لي النص الجزل والموضحه أدناااه ..
مع كامل رمز أعتزازي
..
ثانياً : بتشرفي بإستقباله .. كذلك محاولة الرد عليه .. مع أيماني مهما
حاولت .. فلن أصل لما تجزلت في نزفه .. أملاً ألتماس أعتذاري عن القصور يابعد راااسي




.............. نص الصوت .. للشاعر : سفير الكويت ...


يا الحر تسلم اول الامر باديه =والك التحية يااشقر الريش عرفان
مرسولها من دار مريم معنيه =ومحملاً كفه بلولو ومرجان
انت الرفيق اللي نعزه ونغليه =صريح راي وبالقصايد وبرهان
ولا همنا منهو تعثر ترديه =اوله على اللي يبدي الطيب ولهان
شفت المجامل بينت لي مواريه =حفيان كفه من ثراء الخير حفيان
عرقوبهم شثن من اسفل سماريه =عرقان من راسه على الخد عرقان
ياشين منهو غررنه مغانيه =هو يحسبنه فاز بالهرج غلطان
ماداني اللي مايداني يدانيه =والطيب يجزى باخر الطيب باحسان
مير الشقاوي يتبعنه مساريه= ويشاركه بالراي متعب وقشعان
المبتلي تجيه قشراء تناديه =مافكرت في حر قيضه وبردان
نبدي مع اهل الطيب نفرح نباريه =لا يابعد من روح اليوم زعلان
وارسل بها اورود التهاني تمسيه =وازفها من دارها حول دسمان
ياعيون منهو لو بغيتي تشوفيه =قومي العبي لصافي الريش حوران
يستاهل اللي ينلعبله نحيه =قضي الجديله وانثريها لشقران
ياشوق نادي البيض وفزن بطاريه =واسرن على نور القمر تو ما بان
اللي ثناء للطيب رجله نجاريه =صديق راي وضح اليوم عنوان
وشهي القصايد ياهل الشعر تشريه =نشريه لو غلّو ثمنها بالثمان
القاف ماشيب وافر معانيه =واللي سبح بالبحر ماهوب غرقان
جعل المنايا لا تجي فى محاريه =واستودعه ربي على خير ما كان
تبقي لنا الذكرى مع الطيب ندعيه =امانة الله يااشقر الريش عرفان

الشاعر : سفير الكويت ..
^^
^

.... نص الصدى .. والمتواضع .. في نزفه من قبلي ..

^^
^

ابداء بذكر الله وبالذكر ابديه=رب ٍ كريم ٍ فارض ٍ خمس الأركان
والشعر لاهجرس من لســان داعيه=بنيت بيت ٍ للشـعر فوق سيســان
تذهل بنات الفكــر هيبة معاليـه=هيبة وفـــاء من رأس وافي بحسبان
نظــم البيوت النادرات المتاييــه=أصوغها من عقل والفكــــر طربان
وأنقد بيوت ٍ مالحقها المشــاريه = ياهاجسي لازان للنظم قيفان
يشــوش رأسي من طناخه وأحييه=يامرحبا ترحيبة ٍ ترفع الشـان
يامرحبا بالقاف واللي مسويه = ترحيب مشتاق ٍ فرح له بخلان
يامرحبا والطيب راعيــه يجنيـه =ترحيبة ترجـح على كل ميزان
ترحيبنا لأهل المواجيب نبديه = أعداد ماغنى القماري بالأغصان
وسط الحنايا القدر بالطيب بانيــه=القدر وسط القلب للطير مسـكان
نسل الحرار اللي تنومس طواريه=أقلط هلابك ياســــــفير أجمل أوطان
يامرحباً بالعز والفخـّـر يتليــه=رمز الوفـــاء والطيب والمجد وكدان
ياسـاس رأس العز يابيت راعيـه=رمز الكرم والجـود عنوان مازان
يارأس حر ٍ بينات ٍ مواريه =راع المقام أسم ِ تسطّر من أزمان
وعنها القدم مازل به عن مساعيه = وطيب السفير اليوم .. من ورث جدان
لبيه ياطار ٍ لذكـراك لبيـه= ذكرالحــياء يحييك لوكان ماكان
من طيب طيبك فعل يمناك تجنيــه=مدت سـخاء يوم أكثر الخلق بخلان
عشقك مراجل والفخر فيه حاويه=ولاأقول في غيرك عن الزود نقصان
عذب الشراب وطب قلب تداويه=أحلى من الماء سلسبيله لعطشان
ومن جـود كفك يرتوي كف ناصيه=ياتاج رأس النعم يالسـيف شامان
من رووس قوم ٍ ذكــرهم بس يكفيه=قبل الرخـاء من بادي الوقت عتبان
من أجل يجني زبدة القول قاريه=أنظم جواهر لجل تبقى على شان
تجسيد معنى حاملين لمعانيه=من هاجس ٍ للشعر تاريخ فرسان
فريس فالقمه وكسب لمجانيه=والبيت مايبنى على غير عمدان
والبيت ما يثبت بليا وتاديه=و للخيل خياله و للكر ميدان
وأنا زبون الطيبه في مراقيه=وأنته معي يانسل ذربين الأيمان
الشعر يشكي من زمانه وباليه=ياكيف مدري داين اليوم ديان
ناس ٍ على عرشه ولاهيب تعنيه=الشعر منهم صار ميس وبلشان
ناس ٍ تهد اليوم عالي مبانيه=شكواه منها شوش الفكر عمسان
الشعر وهبه مايجي حسب أمانيه=أسم شهر به فالشعر كف سرقان
ناس ٍ تهمش واقع الحق تعميه=ياشين وجه الشعر لامنه أنهان
وفي ساحته للهزل قامت تضويه=ولال الضمير بصدر الأحيان كتمان
تيار فكره جارفه عن هقاويه= وتخونه حقوق الأدب عظمة لسان
نسج الخيال وترجمه في مساويه=ماكنه إلاّ قايد السفن ربان
مابين نذل ومرتشي كف راشيه=سوق الرديه والهمل زور بهتان
مهما بذرت الحنظله فوق حاليه=ماقيل طعم الحنظله نبت رمان
والعوشزه ماتحتها ظل تطريه=ولاينبت الصبخاء مصاديق الأمزان
والحريفرق فالطيور المشاويه=اللي ترام القاع للزودمطمان
واللي على قلب الخريشه مواطيه= الحرالأشقر كافخ الريش جنحان
قلت الصحيح ومن زعل منه ماأرجيه=من غير رب الكون ماأرجيه الإنسان
ماأعم أخص الفارغين المباليه=اللي وضح فيهم مع الوقت خسران
ياواحد ٍ كل المخاليق ترجيه=يالله عسى حسن المخاتيم غفران
وأزكى تحياتي بقاف ٍ على إيه=الصدر ولا عجز نظمه على آن


أخوكم : الحرالأشقر