رش قلبي من حنانه

[غازي العصيمي]

اتمنى ترتقي لمستوى ذائقتكم


لا تسألوني عن ردا الحال من ايش=لاصار جوي كل صلفه تنشه
والناس بانت بالقلوب المغاشيش=واللي يجنبها لقفا تغشـه
واللي تعود يصفع الخلق تطنيش=سيل النمامه في طريقه يقشه
ويا طير ياللي تطلع الجو بالريش=وش حيلة اللي منطوي وسط عشه
لو كان وده بالسفر والمطاريش=لامن نوا دربه تبلش بقشه
حتى غدا مسجون في لقمة العيش=وحمله ثقيل ويصعب انه يطشه
وكل المشاعر في صميمه معاطيش=تبحث عن اللي من حنانه يرشه
من بعد ماحظي يصيد المخاريش=اليوم مابه لو فراشٍ يهشه
وكريم يانوٍ تكاشف مراهيش=مر بسمانا ماحصل منه رشه