صقر الرياجيل ...( متواضعه في شموخ الانسان :سعد المسعودي)

[أميرة القوافي]

..

.



بمناسبة سلامة أبويزيد .. وشكره للإستاذة : مريم الحارثي
على الرابط التالي
http://www.alflkk.com/vb/showthread.php?t=18807
..




.

غر السحاب اللي تقافى مقانيف = منه الوطاء بعد البطاء صار ممطور
ليل ٍ بدأ .. بصوت ٍٍ صدى .. للغطاريف = واللي غدى مثلي من الناس معذور
ولولا ترى عوج الضلوع المهاديف = ولا.. ترى قلب الهناء كف مسرور
الحر الأشقر مايبي زود توصيف = حر ٍ عديم الوصف بالـزين مشهور
يفداك من هو يحمل الكبر والزيف = ويفداك لاش ٍ طايح الحظ مكسور
صيدك من الجزلات .. ماتدمي ضعيف = نهار يرد العلم والدم منثور
لك مخلب ٍ لهويت للصيد كالسيف = كنه على ذبح الجزيلات مأمور
خطاك سوء أوجاع كل الصواديف = ماجور ياصقر الرياجيل ماجور
كف الكرم ..والجود .. يامكرم الضيف = ياستر وجه البنت والسر مجهور
يامشرف ٍعرف الرياجيل تشريف = تكفير ذنب اليوم ماصابك اطهور
ياللي غداء قلبك لجمع الملا ..ريف = ياوسيع العرف والرأي والشور
مالك سكن ياكود رأس المشاريف = راعي الشداد اللي ترفع عن الكور
شاعربحر ماقيل نزف المغاريف = فيك الجزالــه والشعر فيك مغرور
يازين هرجك نبض قلب السواليف = حلو النباء جزل العطاء تقطف زهور
يفداك شعر مصففين المصافيف = من دون در بحورها طامي بحور
وأنا سمعت بجوج ماجوج ماشيف = واللي سكن دور الوطن سكر الدور
ياشوق كان الشعر مثل المواليف = شاعر مشاعر صادق النزف وشعور
تقلط على فعلك زحول العواريف = وانت الحضور اللي لياقالوا حضور
ياشعيل شيال الحمول المراديف = تخف من ثقلك .. حمول ٍ لها جور
بن اليمن والهيل فنجال للكيف = فنجال قدرك يافتى الجود بالفور
قريت لك ياسيد الجود تعريف = تعريف واضح ..للملا . حيل منظور
في ناصية راس العناوين ومنيف = ياطير نوماس الفخر حيل مشكور
تخطيك يامريم .. دايرات الصواديف = ياعل رأسك للبقاء دهور ودهور
الشكرمن عرفان وصدق المعاريف = يابنت أبن حارث لك الشكر مسطور
أسمك تسجل ضمن ناس المواقيف = نور ٍ سطع للعز للمجد والنور
وصف ٍ يفوق اليوم كل التواصيف = ياعل بيتك للوفاء دوم معمور





















....
تحيتي
أختكم : صفاء نجد