اتباشــــــــــرك

[غازي العصيمي]

ان كان طولت بغيابي وصديت=أكيد منك ومن غرورك وخنجرك
وان كان عاد الوقت نفسه ورديت=من همي اللي صار للوقت يذخرك
وان صار في عقلك عبثت وتماديت=جيت اكسر الغيبه واسولفك واسهرك
من بعد ماني بمتعجل تباطيت=والموت لاصار الحيا فيك يقهرك
ياما بنيت بخاطري ثم هديت=احلامي اللي كل يومٍ تكابرك
ويا ماتحريت لحضورك ولا جيت=حسبي على قلبٍ على البعد قدرك
اصد... وابعد ...واتثيقل يابالفيت=وانا شجوني من غلاها تخاشرك
اقفا بك الضن الردي يوم قفيت=مدري نصيبي او غرورك وغيرك
اقول بنسى واتصبر بياليت=حسبي على شوقٍ على العين مررك
يالله بمان الله واجر التناهيت=واقول يمكن تنكتب واتباشرك




غازي العصيمي