ليا بلاك الله بعاقه

[عايض الرشيدي]

http://www.a7ssass.com/up//uploads/files/a7ssass.com2e6d208e82.mp3
http://www.a7ssass.com/up//extension/mp3.gif (http://www.a7ssass.com/up//uploads/files/a7ssass.com2e6d208e82.mp3)

بديت بسم اللي بالأرزاق كفال=وأعوذ به من شر كل المخاليق
من بعد ذكره زان تعبير الأمثال=شاعر وأسلّي خاطري بالطواريق
بنات فكري جاوب(ن) صوت موال=إ يصفقّن لشرد الأفكار تصفيق
للفتل نقاضه وللعقد حلاّل=وللشعر نقّاده وللنص تعليق
أسند على الطيّب ليا حدك الجال=عون الرفيق بيوم ينشف به الريق
دايم وبيته للمشاكيل مدهال=يضحك حجاجه للوجيه المطاليق
من طيب ساسه ما تغيّر ولا زال=عن الطّمان بعاليات الشواهيق
وألاّ الردي من عادته كثر الأقوال=ما ينفعك لا احتجت له ساعة الضّيق
ليا بخصته ما يجي ربع مثقال=قطرة ندى فوق الغصون المواريق
على الردي من حالك الليل تفصال=وألاّ على الطيّب بياض الغرانيق
عساه ما يبقى بقايا للأنذال=وألليّ بقى ماله بدنياه توفيق
ليا بلاك الله بعاقه وبطاّل=أقرب قريب وخان فيك المواثيق
أبعد وتلقى بالسعه راحة البال=الله خلق فيها وساع المناتيق
بدّل رديّ الحظ في طيّب الفال=لا تشيل هم املفق الحكي تلفيق
لا تحمّل الشّرهه على غير رجاّل=ثوب الرّدى في مثل شرواه مايليق
للطيّبه بالسّوق قيمه ودلاّل=اعرف خراجك وافرق السّوم تفريق
أودّعك عن رفقة مجمّع المال =اللّي لغابيبه تقل جنب بطريق
أحذر تحطه ذخر في بعض الأحوال= تموت وأنت بسكرة الغبن ما تفيق
ما قل دل ويسمج الهرج لا طال=الصّمت تشفير القفول المغاليق
تمّت واصلّي كثر ما هل همّال=على نبيّ(ن) وثّق الحق توثيق