مبارك الشهراني
10-08-2006, 01:10 AM
أسهر مع الاحـــــزان والهم والغم = وأشـــكي هموم القلـب من حـــر مابه
وأصيح مع الاحزان من فورة الدم = وأقـــول لـــيت الحــــــزن ينســد بابه
مــن شــاف ما شــفنا تحسر ويندم = ينـــــدم على عمــره وهم غدابه
ويعيد ماقــــد فـــــات حتــى يتعلم = ويزيد محصوله ويــرفع نصابه
يقــول انا فــــي علـــم واللا اتحلم = ويــزيد تفكــــيره وزاد اغترابه
لاهـــــو رجـــع للخلــف ولا تقدم = حـارة به الاقـدام والوهن صابه
قلــب تحمل كـل هالحــــزن يسلم = حمله ثقيـل ولا شكى من عذابه
بعض العرب ياجعله الموت والسم = اللي على حـــزني يجر الربابه
ياقلب في بعض العــــرب لاتوهم = خلك حريص ولاتغـــرك ثيابه
لايغرك المظهر ترا الخافي اعظم = ولاتنتظر وبل المطر من سحابه
بعض العـــــرب ماينفعه لو تعلم = يبقـى كمـاهــو مايغـــير شرابه
وبعض العرب لاصار شي تفهم = فهيم يفهم ماتخـــــونه اعصابه
مايندفع حليم وان زعــــل يحلم = منك السوال وعند مثله الاجابه
يشرب زلال الجم من صافي الجم = كـــم واحـد يبغيــه ولا اهتنابه
حشــــيم مــن ربع كــــرام تحشم = والله جعله بيـــن ربعـه مهابه
خل الثعل يامخاوي الذيب الاسحم = هذا الثعل والذيب ماهنا تشابه
الفرق واضح بين الاعمى والابكم = غير البلا الاثنين في وسط غابه
وسلامتكم
ابو خااااااااااااالد
وأصيح مع الاحزان من فورة الدم = وأقـــول لـــيت الحــــــزن ينســد بابه
مــن شــاف ما شــفنا تحسر ويندم = ينـــــدم على عمــره وهم غدابه
ويعيد ماقــــد فـــــات حتــى يتعلم = ويزيد محصوله ويــرفع نصابه
يقــول انا فــــي علـــم واللا اتحلم = ويــزيد تفكــــيره وزاد اغترابه
لاهـــــو رجـــع للخلــف ولا تقدم = حـارة به الاقـدام والوهن صابه
قلــب تحمل كـل هالحــــزن يسلم = حمله ثقيـل ولا شكى من عذابه
بعض العرب ياجعله الموت والسم = اللي على حـــزني يجر الربابه
ياقلب في بعض العــــرب لاتوهم = خلك حريص ولاتغـــرك ثيابه
لايغرك المظهر ترا الخافي اعظم = ولاتنتظر وبل المطر من سحابه
بعض العـــــرب ماينفعه لو تعلم = يبقـى كمـاهــو مايغـــير شرابه
وبعض العرب لاصار شي تفهم = فهيم يفهم ماتخـــــونه اعصابه
مايندفع حليم وان زعــــل يحلم = منك السوال وعند مثله الاجابه
يشرب زلال الجم من صافي الجم = كـــم واحـد يبغيــه ولا اهتنابه
حشــــيم مــن ربع كــــرام تحشم = والله جعله بيـــن ربعـه مهابه
خل الثعل يامخاوي الذيب الاسحم = هذا الثعل والذيب ماهنا تشابه
الفرق واضح بين الاعمى والابكم = غير البلا الاثنين في وسط غابه
وسلامتكم
ابو خااااااااااااالد