ردي على أبيات الشاعر : جرح بدوي

[سعد المسعودي]

... رداً على أبيات : جرح بدوي ..

الصوت لـ جرح بدوي



العلم نور وسلم المجد هايل =والحر الاشقر ينعرف من مطيره

نعم نعم ياحي ذيك الدلايل=نعم نعم بالاوله والاخيره

صفحة شموخ ومدرسه للجمايل=ويمنى على الطالات ماهي قصيره

هذا سعد مثل الرعد بالمخايل=يرهب جمود المزنه المستثيره

حرفه مطر من غيمة العز شايل=وصدورنا له مثل شبه الجزيره

الله ياهو كيف عامل عمايل=في قلب باقي ماتحدد مصيره

الشاعر: جرح بدوي
^^
^
^

الصدىلـ سعدالمسعودي




للعز مجد وسلم العز طايل =وكلاً أتخلد سيرته من مسيره
أما يقال فلان يابس بلايل=ولايقال فلان ضايع بصيره
مايكسب الطاله ردي الحمايل=والسيف تعرف سلته من جفيره
وشعيل يبرك للحمول الثقايل =وكم واحد ٍ فالدرب يشعب بعيره
ولا أنت عندي ياعديم الفصايل = اللي من العثرات ربي يجيره
شرواك عرفه مايبدل بدايل =شفي ولالي فالمطاليب غيره
مكسب ولاأرجي فالنشامى حصايل = ولاضاع لي فالحق حبة شعيره
مذخور عرفي كاسبين النفايل = اللي على التاريخ والمجد سيره
ماني رفيق اللي يضيع القوايل = اللي على شرواه ضاف الستيره
لياقدح بالزند رووس الفتايل = ماطال حبلٍ قاصر ٍ من وتيره
وحنا من الدنيا نشوف الهوايل = وحكم القدر راضين شره وخيره
ضيفان فالدنيا نحل ورحايل = والذكر باقي فاليسر والعسيره
هذا جوابي عن كثيره قلايل = يحمض قليله لاورد عن كثيره


الشاعر: الحرالأشقر