سلطان غير

[عبدالرحمن الجبابرة]

بسم الله الرحمن الرحيم



الطيب لامن رزته بفكرك يزيد =يبقى على طول المدى دَر فعَّال
والجود يقدح من زناد الأجاويد =قدح البلاجيك بيمانيَّ الابطال
والطيب فعل ٍ بالمراجل وتقييد =ماهوب حيَّا الله كلام ٍ وينقال
حتى البحور بحال جزر ٍ وتمديد = تعطي وتاخذ منك لو الزمن طال
ولا فسلطان الوفا بجزم توكيد =رمز النقا وكف التقى غيث همَّال
والمدح من دونه عنا وفضل ترديد =مثل تراتيل الحكى بكتب الاطفال
صفو المراجل من يمينه مواريد =وجُبَّ المكارم في يده نبع سيَّال
مواقفه غنَّى بها التبع والسيد=إنسان بالإحسان منصى ومدهال
أقولها جهرا وللعز تمجيد = تاريخ ويورَّخ على مر الاجيال
سلطان غير يقولها القرب وبعيد =والفرق بيَّن مايبي له تقوَّال
سبَّاق للغايات وسنان صنديد = توقيع بصمته على دروع الابطال
يالله يامنشي المزون المقاليد =تشفي لنا أميرنا طيب الفال
عساه ذخر ٍ للوطن والتماجيد =ويطول عمره بالتقى عز واجلال
غنَّى بها الجبابرة شعر ويعيد = سلطان غرَّة صبح في وجه الامثال
وجه المشارق في جبينه كماعيد =والعيد غاب وعيد سلطان فعَّال