نمر الكرناف
06-22-2011, 11:24 AM
السلام عليكم ورحمة الله وبركاته
مساكم الله بالخير ياوجيه الخير
قصيده عسى ان تنأل على ذائقتكم
تدري عطالله ارضنا وش محقها =هذي ذنوب الخلق ولا غرابيل
الارض يبست والشجر مع ورقها =عان الشجر يومي بليا محاصيل
الغيث مبطي والسعد ماطرقها =وسهيل راح وبادي(ن)عقبه اسهيل
يالله بسيل مايسمى غرقها =نون من القبله يجيها محاميل
نون على حد السماء من شفقها =يبرق ويرعد بالمزون الهماليل
والذود يرتع والفحل في شنقها =وكلن يجهز عزبته والمعاميل
والنار شبت فالقدور لحلقها =يوم الذبايح ذبحت كلها حيل
تنشق نبات الارض داخل مرقها =وعقب العشا جابو حليب المباهيل
ملحن ليا جاها الحوير نتقها =وقامت تعرف ريحته تالي الليل
ملحن تفهق من حليب فهقها =ملحن سلايلها على مطارد الخيل
يوم البنادق مايكذب فشقها =واللي يطيح بمثبره مابعد شيل
هذي طرات الروح للي عشقها =بس الدراهم وينها يالحلاحيل ؟
سبحانه اللي عزها من خلقها =ومن غير دين الله تراها بهذيل
مساكم الله بالخير ياوجيه الخير
قصيده عسى ان تنأل على ذائقتكم
تدري عطالله ارضنا وش محقها =هذي ذنوب الخلق ولا غرابيل
الارض يبست والشجر مع ورقها =عان الشجر يومي بليا محاصيل
الغيث مبطي والسعد ماطرقها =وسهيل راح وبادي(ن)عقبه اسهيل
يالله بسيل مايسمى غرقها =نون من القبله يجيها محاميل
نون على حد السماء من شفقها =يبرق ويرعد بالمزون الهماليل
والذود يرتع والفحل في شنقها =وكلن يجهز عزبته والمعاميل
والنار شبت فالقدور لحلقها =يوم الذبايح ذبحت كلها حيل
تنشق نبات الارض داخل مرقها =وعقب العشا جابو حليب المباهيل
ملحن ليا جاها الحوير نتقها =وقامت تعرف ريحته تالي الليل
ملحن تفهق من حليب فهقها =ملحن سلايلها على مطارد الخيل
يوم البنادق مايكذب فشقها =واللي يطيح بمثبره مابعد شيل
هذي طرات الروح للي عشقها =بس الدراهم وينها يالحلاحيل ؟
سبحانه اللي عزها من خلقها =ومن غير دين الله تراها بهذيل