محمدالبدراني
11-23-2006, 08:35 PM
السلااااااااااااااام عليكم ورحمة الله وبركاته
ومبروك عليكم الامطار الله ينفع بها
ابيات بوصف الوضح من عطايا لله .....
ابكتب حسب عرفي ووصف خيار النوق=وكلآ على مايشتهي والرجال اصناف
شعاني غلا نياقن بها اببدع الطاروق=انا مولعن بالبل وفيها يزين القاف
عسى المزن لاقامت بوسطه تلوح بروق=على ارض الجزيره ينتثر وبله الهتاف
وعلى ارض الشمال ونجد وبل الخيال يسوق=عليها ثمان ايام والبرق له رفاف
ديارآ مريه تنعش الخاطر المخنوق=بها ينبت النوار والرمث فيها يشاف
مداهيل وضحآ تقطف الربل والزملوق=ليابكر الوسمى وعم الحيا الارياف
انا كل ماذكر حنية الخنجر المذلوق=على البال يطري خشم بنت ارثمن مشعاف
طويلة لحي وسبالها طايحه من فوق=وسنامن عريضن منفهق للفقار خلاف
من الحال شالت واكتنز نيها المفهوق=كما صوح رجمن لاتبين على مهياف
شناحن سهيفة خد وضحآ كما الغرنوق=لها غاربن مارق وسيعة نحر ميلاف
هجاجن بممشاها تزيد المولع شوق=لياهوبل اللي لشوفها عاشقن مزهاف
جلالة عظامن مثلها مايطب السوق=من الفخذ تشبر تسعة اشبار للاكتاف
فحلها سلايل هرش أوضح بعيد عموق=عريض الفقار الافحج اللي عديم اوصاف
لها مدمعن مكحول والفم وسيع شدوق=تراخن اذانيها ورى الراس دوب تشاف
قنوها هل الطولات واهل الولع والذوق=لها ترخص الدم الحمر لاحتمى الميقاف
نحدربها للينه ونجنبها لساحوق=وحنا جنبها دون غازي وحواف
وكلن سلاحه بالطلب جاهزن مفهوق=لياصوتوا للحرب من ماضي الاسلاف
ومبروك عليكم الامطار الله ينفع بها
ابيات بوصف الوضح من عطايا لله .....
ابكتب حسب عرفي ووصف خيار النوق=وكلآ على مايشتهي والرجال اصناف
شعاني غلا نياقن بها اببدع الطاروق=انا مولعن بالبل وفيها يزين القاف
عسى المزن لاقامت بوسطه تلوح بروق=على ارض الجزيره ينتثر وبله الهتاف
وعلى ارض الشمال ونجد وبل الخيال يسوق=عليها ثمان ايام والبرق له رفاف
ديارآ مريه تنعش الخاطر المخنوق=بها ينبت النوار والرمث فيها يشاف
مداهيل وضحآ تقطف الربل والزملوق=ليابكر الوسمى وعم الحيا الارياف
انا كل ماذكر حنية الخنجر المذلوق=على البال يطري خشم بنت ارثمن مشعاف
طويلة لحي وسبالها طايحه من فوق=وسنامن عريضن منفهق للفقار خلاف
من الحال شالت واكتنز نيها المفهوق=كما صوح رجمن لاتبين على مهياف
شناحن سهيفة خد وضحآ كما الغرنوق=لها غاربن مارق وسيعة نحر ميلاف
هجاجن بممشاها تزيد المولع شوق=لياهوبل اللي لشوفها عاشقن مزهاف
جلالة عظامن مثلها مايطب السوق=من الفخذ تشبر تسعة اشبار للاكتاف
فحلها سلايل هرش أوضح بعيد عموق=عريض الفقار الافحج اللي عديم اوصاف
لها مدمعن مكحول والفم وسيع شدوق=تراخن اذانيها ورى الراس دوب تشاف
قنوها هل الطولات واهل الولع والذوق=لها ترخص الدم الحمر لاحتمى الميقاف
نحدربها للينه ونجنبها لساحوق=وحنا جنبها دون غازي وحواف
وكلن سلاحه بالطلب جاهزن مفهوق=لياصوتوا للحرب من ماضي الاسلاف