النادر أبو نادر .. إهداء للشيخ : سعد بن نوار الضليعي

[سعد المسعودي]

قصيدة إهداء للشيخ : سعد بن نوار الضليعي
مشرف قرية مشرفة الضليعي بعفيف ...
والذي تشرفت بألقائها منبرياً وقبل بدء الأمسية الشعرية .وذلك أمامه و جمع ضيوفه الكريم
.. الحاضرون بمناسبة زفاف أبن أخيه : قايد بن مطلق الضليعي
في ليلة الجمعه الموافق 28 / 07 / 1432 هـ ..


......
http://img709.imageshack.us/img709/9620/dscn0465r.jpg (http://www.al-bjadyah.com/vb/showthread.php?t=21814)


أبدأ بذكــــــــــــــرك يا إله الناس ذا الباس الشديد=اللي خلق خلقه ويعلم وعدها وابعـــــــــــــــــادها
مايتبع الهـــــــــــــادي شقي مايتبع الغاوي رشيد=والفرق فرق الدين بين أشـــــــــرارها وأجوادها
الحــمد لله والثنـــــــــاء واليــــوم عندي يوم عيد=في حضرة رجال ٍ فخـــــــــــر جدانها لأحفادها
ســـــــــيرة فخر يتبع فخر ماجــد به مجد ٍ جديد=مجد ٍ تليد مخلد ٍ رفرف بروس اشــــــــــــهادها
مجد ٍ ماهـــوب أيات مجد محير أبيات القصيد=ماطاع شـــــاعرها لسانه وأحتماها وعــــــادها
نعـــــــــــــــم وأكررها وفالتكرار توكيد الاكيد=خل الشــــــــــــــكوك لراعي الدله على برادها
احد ٍ لياغنيت به ماطـــــــــاعني حرف النشيد=وأحـــــــــــد ٍ لياغنيت به من طيب طيبه زادها
الســــــــــــــــاس ميثاق الفخر والعز للمجد التليد =تاريخ ماضي ماخفى في حاضره نشـــــــادها
ســــوات ابن عمي سعد .. سعّد القريّب والبعيد=في ســـــــــاعة الشدات حاضر ماترك ميعادها
ليّن جنابه .. دمث .. لكن فالقسى راســـه عنيد=لاعاندت له مايبالي بالعـــــــــــــــــــناد عنادها
اللي يعرفه شـــــــاد له في داخله صرح ٍ مشيد=معزته بين العرب نزالها وشـــــــــــــــــــدادها
مادام هذا هـــــــــو رصيده حي والله هالرصيد=لا بوك يادنيا مصالحــــــــــها لا بـــــو عبّادها
له موقف ٍ يبقاء مخلد ياعســــــــــى عمره مديد=عقب أمطرت من قبله اللي برقها رعـــــــادها
ســاعة طفا الماء فوق سكتها وأخذ معه الحديد=ضاف وأضاف نفوس في محدارها مســـنادها
له مدة(ن) من دون منه كـــــــب مدات الزهيد=كب الضعـــــافه للضعـيف وحـرمته واولادها
النادر اللي مثل أبو نادر عســــــــى عزه يزيد=ويبقى بذكر الطيب فالأســــــياد رجل ٍ سادها
أبمدحه ثم أمدحه والله لاكــــــــــــررها وأعيد=الله يجيره من غثاء بقعاء وجــــــــور أنكادها
وأختامها صلواعلى الهادي عدد رمل الصعيد=وأعداد من نفسه على ســــــــبل الهدايه قادها



الشاعر : سعد بن نايف المسعودي


الحرالأشقر