لغز ويبيله حل وتفسير حله !!!

[غشام العتيبي]

بسم الله الرحمن الرحيم

واسعد الله اوقاتكم بكل خير ...

العلم يا طويلين الأعمار عبارة عن لغز والحل لازم يكون مفسر .. والله يقويكم جميع ...


وش سبعة يدرج عليها الكون *** تدرج على الدنيا وما فيها

سته تجي ساقة مليحة لون *** تجيك في اولها وتاليها

أما ثلاثه ما وراها لون *** واما اربعه اربعطعش مافيها


وسلامة راعي اللغز ...

[محمد الصاعدي]

سلمت يا غشام ودمت:

رمعتي :

قوس قزح...والوانه السبعه....

بشر ولــي عودة..بإذن الله.

[غشام العتيبي]

محمد الصاعدي

يقولون اعط الحر فرصه ... وابشر فيها ...

انتظر عودتك ,,,

[خالد الحافي]

غشام هلا :)

يعني مايكفي الحل تبي تفسير بعد ايه هين هههههههههههه

ليته ينحل .. :(
----------
والله يامحمد الصاعدي خطير انت :)


كان مهيب النجوم هذ المتجمعه مدري وش يسمونها الثريا كان ماني غلطان :(

ترى رمعاتي عقيمه رمعه ولا عاد اعيد مره ثانيه :)

سلام

[غشام العتيبي]

ههههههه


هلا خالد الحافي ..... يالله حيه اقلط تربع فالحشا دارك ومنزالك

تنورنا بعودتك ...

[محمد الصاعدي]

هههههههههههه
غشام

حتى الرد بلغز:

يكفينا شرررك....

وبنحاااول..لا هنت

[عيون]

غشااااااااااام

لغزك حله عندي . .

لكن باترك الاخوان يفكروا شوي

سلام

[عبدالله التريش]

اخوي غشام

شرحه
خلنا نشوف حل المعزب
ونعود
وانت سالم وغانم

[خالد عتيق النفيعي]

رمعه ياغشام



استلمها قوس قزح

[عيون]

غشام

باقول نص الحل العندي .... وباترك للجمهور يكمل الباقي

الحل هو . .

عباره عن كلمه من من (سبعة) أحرف . .

وهذا حل الشطر الاول من البيت الاول

وكملوا الباقي

[غشام العتيبي]

يا هلا والله بالجميع


يالله حيهم ...


لا هنتو يالنشاما ....


ملاحظه / الشاعر يقصد بــ ( لون ) على انه عدد !!!

انتظركم ,,,

يا حبي لكم