بســمه الغــالي

[الشقـــــــاويه]

كتبت الشـعر ماأدورعلى الشهره مع الشـعار = كتبت الشـــعر أدور بســمة الغالي ورضوانه
هاذيك اللي إذا زعلت زعـلها شين ياســـــتار= يقوم ألهــا القلم والبوك والشــــــاعروقيفانه
هاذيك اللي إذا زعلت علي مـأخلق لهاالأعذار= رضاهــا عند عاشــــقها قصيدة نزف وجدانه
هاذيك اللي لها عندي غلا حب ووفاء مقدار= هاذيك اللي لهــا عيني وأنا بالنوم ســـــهرانه
هاذيك اللـي إذا جتني تضــوي لي بنـات أفـكار= ليا نورتهـــا مابين فرحـــــــــانه وخـــجلانه
توريني بنظرتها من أســرار الغـــرام أســـرار= إلى قامت تســلهم لي بطرف عيون نعســـانه
بحـور الأرض كم يغرق عليها من الطمع بحار= وبحر الشـــــعرمايصعب على الموعود بالدانه
أدورها وراء حدود الخـيال وهاجس الأشــعار= وألاقيهـا على شـــاطى بحــور الحب غرقانه
تناديني وأجيهـــــا والمســـــــــــافه بينا التيار= وموج البحـر ضد المركب اللي صرت ربانه
إذا قربت أنا منهـــــا تحـــذرني من الأخـــطار= وإذا بعـدت قــالت لي تــراني منـك زعــلانه
وأجيها وأنتشلهـا وأزبن الصحراء وأشب النار= من ضـلوعي وأدفيهــا وهي ترجـف وبردانه
وقبل ندفـاء تهب العاصـفه والـريح والأمطــار= وتطير بنار شــــــوقي فالهواء وتشب ضيانه
وأحط إيدي بإيديها وأشوف الســيل دون الغار=ولادري كيف أخـذهــا من يديني عـند بيبانه
وأضيعــهـا وألاقيهــا بعـد مده بصـيفٍ حـــــار= تناديني وترفع يدّهـــــــــــــــا وتقول ضميانه
وأســيل للضماء فيها من أشواقي بحر وأنهار= وأخــليهـــا تخـــــيّل كن روحـي ظـل رمانه
وقبل ماأبل ريق الشــــوق بركان المفارق ثار= فتحت العين أدورهــــــــا لقيت العين عميانه
أناديهــا وأصيح أنتي يمين الصـوت ولاإيسار=ويجيني ردها ...لا... لا... ماأبيك تشم دخانه
هقيت إن القضـاء جـــاها وقلت آمنت بالأقدار= ورحـت أكتب حكاية حب ثم ماتت على شــانه
يعزيني عليها اليآس ويبشـــرني بها الأصرار= وأنشــــــد ياعرب من شـــاف للهيمان هيمانه
أســــــــولف عن فتاةٍ يذكرون ألها بعيد أذكار= تنشــــــد عن فتاً وسم الهوى بأطراف حجانه
أظن أحدٍ على الطــاري يجي من يمها بأخبار= وأحن ألها حنين المغـــترب لديــــار خـــلانه
ويبون الوصف مني بس أنا في وصفها محتار= أنا وشلون أوصف خلقة الرحمن سـبحانه
ماأقول إلاّ هاذيك اللي عليها العين ماتخــتار إذا بانت على مد النظــر للشـــــــوف فتانه
ولالقى من يخبرني وأقوم أواصل المشوار= وأحســـــــــد الطير جنحانه لياستّل بجنحانه
وألاقيهـا على عهدي تغني لي(على التذكار)= (على التذكار) أنا ماخــنت عهـد الحــــــــــــب لوخــانه
تسولف للقضاء عني تقول أبطاء عساه مجار= ياليته قبل مايرحل عطــــــاني كرت عنوانه
وترفع يدها من فوق خدٍ كن فيه أزهــــــــــار= وتمســـــــــح دمعة ٍطاحت على الخدين تعبانه
وقفت أقــول أنا ماقلــــت لـك بإن الزمن دوار= وجتني من فرحهــــــــا ثوبها ترثع بشــــلانه
من الفرحه تعـــــــــانقنا وغفينا والدموع كثار=أقول ألهـــــــــــا أنا ولهان وهي تقول ولهانه

الشاعر: الحرالأشقر