قــم تــدلل

[الشقـــــــاويه]

يوم جيتي مرحبابك زهابي لك جديد = عالقه فيك المشاعر وأنا ربانها

جيّتك عيد وعيادي حلاوة يوم عيد= خل قلبك في حكم ذوقها ولسانها

وأقربي وأخذي دفاء الحب من وهج القصيد=لوّك أنتي وهجها دامك أنتي شانها

وأشربي من ماحوت دلتي علم(ن) وكيد=وأخذي الفجال لاساقته قيفانها

إئه أنا ماضي نشيدك وحاضر(ن)بالنشيد=قم تدلل كل ماثورت بركانها

ياذهب سعرالذهب عنك ينقص مايزيد= والغلا في روح مغليك فرق أأثمانها

قلبي اللي مال يمك لحم ماهو حديد=قدم ألك الحال والروح ياسلطانها

أطلب الغالي لعينك رخيص وش تريد=مايساوي خطوة ٍ جت وأنا عنوانها