ياصــاحبي ..

[سعد المسعودي]

ياصاحـبـي لوفرقـتـنـا اللـيـالـي= تبقى خليـل العيـن والقلـب والـروح
إن جيتنـا غالـي ولـو رحـت غالـي= وشرواك من دون المعاذيـر مسمـوح
ياصاحبـي كــل اللـيـال التـوالـي= لأبقى علـى الميثـاق والسـد مابـوح
على الوفاء وأصفى من المـاء الزلالـي= أزيد ميثاق الغـلا صـروح وصروح
حتـى وأنـا مـع غفلـة النـوم مالـي= غيـرك يناجنـي مـع صحـوه النوح
الدمع من عينـي علـى الخـد سالـي= وأنا الذي كنت أحسب إن الهوى مزوح
لا والـذي فـوق المخالـيـق عـالـي= اللـي كتـب للأدمـي صفحـة اللوح
مـن يـوم تشـرق شمسهـا للزوالـي= وأنـا بغبـات الهواجـيـس سـاـبوح
محد (ن) درى وش صابني ووش جرالي=وأضيـم حالـي ناحلـه كلهـا جروح
وكل مـن نشدنـي قلـت ياهـم لالـي= سد(ن) يعرفه ثالـث النـاس مفضوح
حتـى ولـو إنـه قريـب (ن) موالـي= وصية (ن) من صـافي الـود بوضـوح
وأختـم كلامـي والـغـلا لايـزالـي= ومدموح كـل اللـي تســويـه مــدموح


للشاعره : همس المشاعر