ياخـــــالــــ ....

[سعد المسعودي]

الله من قلب ٍ هـمومه تـقاسـيم = حظه نصيبه والهموم العطايب

هم ٍ سكن قلبي من أعوام ومقييم=غديت أنا والهم ربـع وقرايـب

ياخال من بادي الدهور الصواريم=مافارقت عيني الدموع السكايـب

كل السنين اللي مضت لي مظاليم = تكفى نخيتك ياعطيب الضـرايب

ياخال أنا بك والرجاء فالمقاديـم=ياذخر جدي . مفرق الرأس شايب

متى العطا يمسي كما الماطرالديم=وترعد وتبـرق مقبلات السحايب

الله أكـبر ماأكـبرك يالعواشـيم=في رأس راع الجود راع النجايب

وعن ناظر العينين تجلي المعاتيم=وتغيـب عنها مشاهدك يالنصايب

وتحيا على أشفاتي حياة التباسيم=وتهب بأفـراحي ذواري الهبايب

ويطيب جرح القلب خلف الهواشيم=وأهـتني وأفـرح وأفل الذوايب

والخاتمه يالله في حسن الخواتيم=وصـلوا على محمد أعز الحبايب


الشاعره : همس المشاعر