هلا بلسم جروحي

[سعد المسعودي]

((هلا يابلسم جروحي ))





http://www.mowjeldoha.com/mix-pic/borders/www.mowjeldoha.com-borders-58.gif



هلابك والمحبـه وهبـةٍ مـن والـي الاقـدار=وانا حبيت صوتك دون شوف العين للصـوره



هلابك والله اكثر من هلا لوهي تجـي لاختـار=وابرّد لاهب ٍ وسط الضمايـر يشتعـل نـوره



هلا يابلسم جـروح ٍ خطيـره طبهـا يحتـار=سببها انت ودواها غرامـك مااحتمـل جـوره



ترفق في صويب ٍ طعنته مـن سيفـك البتـار=إصابه بالغـه تسفـك بدمـه ساعـة الفـوره



أنـا هيمانـةٍ مثـل الغريـق بغبـة الابحـار=يجيبه مـوج ويوديـه مـوج وبيّـن فتـوره



وانا فيك ابتليت وحدني ظرف الحيـاة إجبـار=على فرقاك لوهي من حياتي صرت مجبـوره


ترفـق ياحبيبـي لايطـوّل موعـد المشـوار=تكرم قرّب الموعد تـرى الساعـات منظـوره


حياتي ليه من بعدك شقيّـه كلهـا اصفـار ؟!=وقصيدي لاتعدّى حضرتك ... ابيات مكسوره !



انا ماجيت ابلعب لعبة الشطرنـج والا قمـار !=انا احبك .. انا منك .. وفيك اليوم مقبـوره !



الى من جيت اهلّي بك .. واذا قفيّت ياستاااار=لك اشواقي وبسماتي والى من غبت مخطوره!




الحوراء-بنت نجد --الرياض 14\12\1427