نهاااااااااض ...

[سعد المسعودي]

نهاض تكفى لاتجي مثل والدك =أخاف تصبح من عميّ البصيره

يقوله اللي حـــابك ٍ نظمها حبك =في عشــــرته لبوك ذاق المريره

ياكبرها هقواتي منول بشايبك=وأثره على الزلات يشعب بعيره

وأنا التحارب عـلمتني وأعلمك=نصيحةاللي صاغها من ضميره

من خوف بكره لاتغرك تجاربك=يافرخ شيهانٍ على أول مطيره

الأوله بوصيك لله طــــــــــاعتك=وأتبع طريق المصطفى في مسيره

والثانية حذرى تقصر بواجـبك=وجنب دروب ٍعاقبتهــــــــــاخطيره

والثالثة ياخال أمانتك أمانتك=ترى الليالي طبعهــــــــــا مستديره

أخفض جناح الذل يعتزجانبك=لأمك نعـــــــــــم لأمك بأمك بريره

وأحذر تغير يافتى من عوايدك=الحرمثلك دوم عقله شـــــــــــــويره

وعادات خالك خلها دوم عادتك=المرجلةوالطيب وأخــــــــــــيرجيره

ومن مد لك يمناه مدأنت له يدك=ومن ردهاخله عساها كســــــــيره

أنص الكريم اللي لياجيت وجبك=مايؤخذالمؤمن بذنب العشـــــــــيره

ولاتنخدع في كل من هو يصاحبك=الله وحده عالم ٍ بالســــــــــريره

وأن جالعودك طــــــــاري لايزعلك=ماطاب عيش ٍ للفتى دون غـيره

مصيبة ٍ من لحيتّك جت بشاربك=تقول ماكنه ربى بالجـــــــــــــزيره

أسمك على أسم العود ياعل يجذبك=عود ٍبقول الحق كل ٍ يشــــــيره

عود ٍعلومه فالمجالس تنومسك=الله يجيره من عذاب الســـــــــعيره

وأخذ النصيحة قبل ربي يحاسبك=وفي دنّيتك خلك مفتح بصــــــيره

والخاتمه ياعل تصفى مشــاربك=أخذ النصيحة وأدرخرها ذخيره


الحرالأشقر