زلال الحســـو

[سعد المسعودي]

زلال الحـَســـو


زانة علوم الرجال الي على جال ضو=والله يعز المواقف بانة ارجالها
لاصار في العلم علم وبان في الجو نو=ياجب على الرجل يعرف دق واجلالها
ويهل العقول الفهيمه عارفين النحو=واهل الوجيه الكريمه طيبٍ فالها
جيت ومعي دلو اغرف من زلال الحَسو=واروي قلوب العطاشى صافي ازلالها
واحاول اذكر الي للمواجب نسو=واهل العقول الفوارغ عزي الحالها
واخذ من اعلوم راعالين المقام ان حكو=وازيد في بنك معرفتي من اقوالها
الي بعذب المعاني في المجالس رقو=وامد يمناي للي ساق فنجالها
وقطعت عهداً ماخيب هقوت الي هقو=واهجر مجالس رجالاً شانة افعالها
واحروف شعري فدا للي لعذبه قرو=محاولات تمثل فكر من قالها
والي مع الخيل ياشقرى عسى مانجو=من حفرت من حفرها طاح في احثالهانــمــــرالــعـــــتــيــبــي