..... يابنت .......

[سعد المسعودي]

][®][^][®][يابنت][®][^][®][




ياهيه شب النار وأدن المعاميل =للي مثل شرواي كيف ٍ وشفى
فنجالها يبري كبودٍ معاليل=وللرأس بن وهيل فنجال كفى
الله من همٍ لقاله مداهيل=أركى على المعلوق ناره وطفى
بأسباب من رأحة حياته بهاذيل=نقض جروح القلب فيه وقفى
يابنت ماينفع كثير الأقاويل =لوقلتها ماظن تستر وترفى
حنا على تكفى شربنا الفناجيل =مشروبنا لاصار موت ٍ مصفى
وحنا على تكفى نسوق المعاديل= برق الغمام اللي لعينك يرفى
وحنا على تكفى فصايل زعاجيل= بحدب ٍ تلف الرأس يابنت لفى
وحنا على تكفى نروي المصاقيل =نروي كبودٍ من ظماها تهفى
وحنا على تكفى رجالٍ حلاحيل=كم من خليل دمعته ماتجفى
وحنا على تكفى حصون الرياجيل=دخيلنا يأمن وبالعين يغفى
وحنا على تكفى جيلٍ بثر جيل =كم من هنوف في ذرانا ترفى
وحنا تخف ألنا حمولٍ مثاقيل=من ثقلنا وزن الثقيلات خفى
لطامة العائل وذباحة الحيل=رجالنا للضيف كفى ووفى
ويابنت نقدم للرموش المظاليل=ونكف عنها دمعها لاتكفى

معتادالنفيعي