..... الهرجه .....

[سعد المسعودي]

][®][^][®][الهرجه][®][^][®][




الهرجه اللي غزت في سدها هرجه=ماكملت نقص سامعها وقايلها

القيل ماننقله والهرج أله درجه=والعايله عايله لاقل عاقلها

والميته ماتذكى وأسمها حرجه=كرامةٍ للردي من دون حايلها

ماكل حجه تورد تنقض الحجه=والكيل يمناً رجح بالكيل كايلها

من لاحفظ دم وجهه بيّن الفرجه=ينزل هدف للمرامي في منازلها

ياراعي العوج عوجك منك معوجه=وأنا يميني على العوجان تعدلها

الشف خيال قباً لأعتلا سرجه= ثم أعتزى حاوي المردود خيلها

خيالها ماقفاه من الوطاء عجه = شبحه عقيد يرد القوم فأولها

يهوي بشلفاً سطيه والنحر فجه = تفعل يمينه وهاذي من فعايلها

وكل ٍ على درب منهاجه وله نهجه=وأهل الكرم للكرم بانت مداهلها



معتاد النفيعي