())))))( دكتور قلبي )(((((()

[عايض الرشيدي]

خاب الأمل ماهو بميّت ولا حيّ=بين الرجاء والياس حيران تايه
ما أقول أنا الجاني ولا المجتنى فيّ=مخطي معي وأنا أعترف في خطايه
له مذهب(ن)بدعي مخالف هل الغيّ=ليا عكست ارضاه يتبع رضايه
لا منطقه يشفي ولا منطقه سيّ=ياخذ ويعطي بس ماله نهايه
أخذ تفوق خمس بالشكل والزيّ=على بني جيله بحرف البدايه
خفيف دمه خف نسم الهوى ميّ=ولا فيه اكيد أثقل منه في حشايه
يلوي عنان مسرّجات الهوى ليّ=سبّاح وأنا أول نجاح الرمايه
دكتور قلبي قال مافي يدي شيّ=لكن اخير من العلاج الوقايه
لو مع لعل وليت مافات بيديّ=جنبت عن درب الشقى فالبدايه
ما الجرح فوق الجرح في ضامري نيّ=ليه أشتكي وأنا بلايه دوايه
عايض الرشيدي