()))))(العولمه)((((()

[عايض الرشيدي]

إرم المسجـل والشريـط=حنـا بوقـت العولـمـه
مادام مكروسفـت احـق=الـدرب هــذا ماعـنـه
دوّرعلى الحـل الوسيـط=ميثاق عهـد(ن) نلزمـه
وبعـد النتيجـه نتـفـق=والخـايـن الله يلعـنـه
جدوى الضعيف مع النشيط=اللـي يـسـب معلـمـه
ماني بألوم اللـي سـرق=الوقـت حـده وأمهـنـه
قل له ترى اليـم الغويـط=اقصـاه غبـه مظلـمـه
ماهـو حبـر علـى ورق=إن كـان عقلـه يـازنـه
خله قريب مـن المحيـط=قــدام لايفـتـح فـمـه
الريح شيـن ليـا صفـق=مـوج البحـر لايامـنـه
وإن ماسمع هفـت مقيـط=مع ساقت ارشـاه اقدمـه
الفـاس مافيهـا مــرق=والشيش قفـل الضومنـه
من حج مايلبـس مخيـط=مايجوز كـل(ن) يفهمـه
ياقشر حـظ اللـي علـق=علـى جميـع الألسـنـه
كثر المعـانـد بالعبـيـط=والسالفه مشـي احلمـه
لوجابها بـآخـر رمــق=يـاسـرع ماتوخذمـنـه
عند السعـه ماهوبسيـط=يشيـدبـرج ويـهـدمـه
وبوقتهـا مثـل السمـق=مــن دوٌره ماعـيٌـنـه
الـسٌـم ماهو قرنـبـيـط=ساقين بيـض وجمجمـه
يقضـي حياتـه ماعتـق=محضور تحـت الهيٌمنـه
مالي ورى الوجه البليـط=مثقـال حبـة سمسـمـه
ماعاش مـن حطـه درق=يبقـى بحالـه مزمـنـه
من أول(ن) مالـه غليـط=يـوم الجـروح ململمـه
واليـوم بأحفر لـه نفـق=تسعيـن قامـه وأدفـنـه
أصفى العسل ماله خليـط=وأغلى الذهب من منجمـه
كـل البشـر دم وعـرق=والأخـتـلاف بمعـدنـه
كان بدوي والماء شطيـط=يسرح ويضـوي بغنمـه
ماحمّلـه هــم وقـلـق=تقلـب فصـول السـنـه
عايض الرشيدي