باقات شعريه ... الطبعة الأولى

[سعد المسعودي]

مع التحية والتقدير:لنخبة نجوم الفلك..
هنا ولقلوبكم الطاهره...هذاء الإهداء الخاص ...
والمتضمن أبيات مختاره لكم من بعض قصائدي الشعريه.
كباقات إهدائيه ....
آملاإن تجد الإستحسان....
الطبعه الثانيه
في أنتظار التشرف بمعانقة أذواقكم ،،
إذا شرفتموها بإعطائها أمر الأستقبال ,,.

الحرالاشقر لاتضايق من الدار = لوهي عليه اغلى من أمه تركها
راح يتلفت في السماء يمين ويسار = وخلى حمام الدار للي شبكها

أنا أبن آدم وأبن آدم لاضعيف ولاقوي =ولابيني وبينك عن الشكوى حجاب ولاغطا
أشكي هوى نفسي إليك .. واشكي من أبليس الغوي=لاصاد رغبة خاطري .. والرجل تاهت بالخطا


والجرح ياجراح ماتعرف دواه=والداء دواء لرداك ودواك داكا
من لايوردها على كف يمناه=مايروي كبود(ن)تعود دراكا


حرام ذي تطلع وتمشي وتنشاف=رحنا ضحية ياعربها هدبها
راحت قلوب اللي يشوفونه أهداف=برماحه اللي مانصبها وأصبها

دمعة ولاسالت على خد مخلوق =الدمعة اللي يوم قفيت سالت
لوطولت بالموق كان أعمت الموق=لوطولت بالروح كان أستزالت

بيني وبينك معاد يحتاج توصيله=مافيه غير القوافي جيت قاطرها
وأحساسي العام غير أحساسي الليله=منه القوافي تهيض قلب شاعرها

يابرق سامرتك وانا يم حايل =وعن دارنا يابرق واضح عزوفك
الماء على ضوحك من أشفاك سايل=والليل من رأسك تعدى كتوفك

كل ماهزت غصونك ياشجر ورقا وناحت= صحت الذكرى وقامت من رسايلها وجتني
جددت وجدي عليها من معاليقي وصاحت=دمعة قامت تقضب بالنفس لين أخنقتني


حبيبتي لاتحسبين القلب في حبك يبور=والله مأخون عهودنا لا لا ولا لا وألف لا
لكن أنا من هو أنا داخلك يابدر البدر=أنا جميع الناس ولا فرد واحد من ملا


ياوقت الأحباب لاتقسى كذا كافي=لاتغلق الباب مره..دون رجواهم
عطهم أمل .. قل ترى وجه السعد لافي=ياوقت الأحباب يكفي منك ماجاهم

لاطرت لي قمت أجيب الدمع أجيبه=وأن سهى فكري تخيلها أقبالي
مايقدر لوعة أفراق الحبيبه= غير قلب ٍ فارق بدنياه غالي


أراجع حروفك على سطور ذكراك =وأسمك وتوقيعك وتسطير أياديك
وأغلى هديه صورتك وأتملاك =وأذكر وداعك يوم قفت خطاويك

وطبعي هواوي والدنس ماوطيناه=وأصون خلي كان خلي صفالي
وأن شان قلب الزين شانت حلاياه=لوأن ماله بالحلايا محالي


أكتب لك بخطي على صفحة اليأس =أبيك تعرف وش مدى اليوم يأسي
كني مبلد مابقى فيني أحساس=وأنا منول مرهف لك أحساسي


المتكي ليله سرى ياطول بال المتكي=حتى لو أن المتكي دافي ومجلاسه ذري
المتكي له حاجة ٍ تطري على بال الذكي=وأن راح بك ظنك بعيد أنا من ظنونك بري


وش اللي ليش مستغرب .. وش اللي ليش يامضنون =بصراحة .. حيرتك والصمت بديت افهم معانيها
إذا عندك سؤال عيون .. عندي له جواب عيون=إذا هي دنيتي .. همك تطلع في خوافيها

يصفق خفوقي صفقت الكف للطار = ولولا ضلوعي تمسكه طار منها
مالي على فرقاء هواء البال مقدار = مجنون نون وعايف (ن) من وطنها

بريتنـي بـري المراسـم بمـبـراه=والقلب من جرحه صوابـه خطيـري
جرحت جرحـك ثـم قفيـت بـدواه= وحالي مـن أسبابـك وجرحـك ضريـري

بينك وبين البدر سروتشابه = كني أشوفك لاطلع بالسماء فوق
وبينك وبين الورد وصل وقرابه = وبينك وبين الروح عشرين معلوق

الله أكـبـر ياسحـايـب دمـوعـي =لياسرت مـن فـوق خـدي هماليـل
عساسهـا منهـا سريـع الرجوعـي =يفرح بهافرحة هـل الـذود للسيـل

الله من جرح (ن) تمكن ولارشيف = وسط الحشاء خافي عن القيل والقال
يرعى تحت حدب الضلوع المهاديف = رعي الدباء من جال عشبه لياالجال


مدري عن الأيام ويش أفعلتبي=لكن أنا هذابعدفعل الأيام
ودتني الأيام واليوم جتبي=ماعلمتني غير تفسير الأحلام

البارحه فكري دخل فيه وسواس=من سبة اللي دالهٍ مادرابي
أسهر توال الليل والقلب حساس=ولأقدر على فرقاه والله رمابي

اللي تظلل بالحشاء يبني قصور=مدري عمار الروح ولاهدامه
عمر الغلا ياناس له تسعة دهور =غرو ٍ على خده ذبحني وشامه

لورحت عنك بعيد ماكن أنا رحت =وأنت المسافه بين عيني وعيني
صورة خيالك بالنظر وين ماكنت = من وين مالد النظر لي تبيني

الناس لاتأثرعليك بعتبها=ماكل نصاحٍ يسمى بنصاح
والتايهه لاجت من الناس سبها = سوق البشرمابين خاسرورباح

القصائد والقوافي والطواريق الحزينه=كم ألها تشيل الهم مني وكنها جوفي تحطه
لاوداع ولاشراع ولابحورولاسفينه=لاوصول ولأنتظار ولاقطارولامحطه

وتمرني في عينك سيوف وحراب=وتقفي ويبقالك على البال جره
نطرة عيوني كلها حب وإعجاب = ونظرة عيونك كلها لي مضره

حبيبي هون الدعوى على حالك تراها تهون=ولاتعمى عيون اللي على بالك تداوي
تبي صاحي أنا صاحي..تبي مجنون أنا مجنون=أصحي لك جنون الناس .. وأجنن عقل صاحيها

الحرالأشقر