:: المجاريح ::

[الديوان]

|--*¨®¨*--|المجاريح|--*¨®¨*--|



طال الصبر مابان لي نور الاصباح=وانا انتظر واعد واقوم واطيح
يامرجع ليعقوب يوسف بعد راح=ياللي معك للكون كله مفاتيح
حقق رجاي وبدل الهم بافراح=وافرج على كل القلوب المجاريح
اكذب عليكم كانني قلت مرتاح=لولا الحيا لآشقق الثوب واصيح
جربت والدنيا تجاريب وكفاح=لقيت بعض الوضع يحتاج تصحيح
ياللي تبى من قرب الانذال الارباح=الربح هوفرقا الوجيه المشافيح
الرزق عند مقسم الرزق ماباح=رزاق ماتحت الصخور الصلافيح
اخاطبك يامجاوب الورق لاناح=ياللي هجوسك سارحات ومراويح
لابد يوم العسر باليسر ينزاح=يجي الفرج لو الليالي مدابيح
الصبرمفتاح الفرج طب الاشباح= العلم واضح مايبى زود توضيح
ياللي على السيات ضواي سراح= مالي على غرات الاجواد تطبيح
ماقفى رفيقي بالنمامه ليا راح=وان زارني يقلط على هبة الريح
ولاني بجامل من رفع كل ملواح=اعطيه علمٍ ثبت ماهوب تلميح
واحارب اعدايه وادافع عن الصاح=لوكان لا عنتر ولاني شليويح

الشاعر :سلطان بن مقعد