:: تدرون منهو ::

[الديوان]

|--*¨®¨*--|تدرون منهو|--*¨®¨*--|





لو الغلا من بين الاضلاع ينشاف=شفتو غلا الغالي ورى الصدر فالجوف
بالغصب احبه لو ماعنده انصاف= ولاحس باللوعة ولاقدر اضروف
حيل الله اقوى مسرف بحالي اسراف=يحرقني بناره وانا منه ملهوف
اخاف منه ليا زعل وان رضى اخاف= دايم وانا من سبته ميتٍ خوف
ليا سكت يصيبني منه خفخاف= وليا هرج صفق جماهير وصفوف
فعايله فوق التصور والاوصاف= هواجسي لجله مقابيل ونكوف
لو هوينافي للعوايد والأعراف=اصبح جميع اللي يسويه مألوف
المشكله راضٍ بظلمه والإجحاف=عندي عذابه لي جمايل ومعروف
اسهرعلى شانه ويلحقني إخلاف=وإذا استراح انهض من اسبابه اسوف
من سطوته يمشي على كل محراف=وليا فعله فعل ماهوب مكشوف
بالعز والهيبه له افراش والحاف=ومن حشمته ياطي على الورد مقطوف
فوق السعاده له مرابع ومصياف= واحيان يضربله مزامير ودفوف
تدرون منهو يامميزة الاصناف=ياللي لكم مثلي محبين وشفوف
محبوبي الغالي حبيبي هو القاف=ليا صخرته جا عن الهزل مصروف
صدر وعجز بالجزل مبدا وميقاف= صعب القوافي حدها مرهف إسيوف
ادفع بها هجسٍ ثقيلات واخفاف= اللي لها قلبي له اسنين معسوف
معسوف غصب وكل الاوقات ينلاف= يالله عساني ملحق النفس بحسوف
زاد العذاب اللي للفراح خطاف= وش عاد لو نملك عقارات و0 ولوف
يلفنا عن راحت البال لفاف= ويسوقنا يم الغرابيل عاصوف


الشاعر : سلطان بن مقعد