$$سلامات$$

[همس المشاعر]

يانور عيني ياحبيبي سلامات= ليت المرض صاطي بقلبي ولا فيك

لاقلت اه وهلت العين دمعات= تزودني حسرات وامسي احاتيك

ابكي على مافات وجر ونات= لاكن ظروفي قاسيه مقدر اجيك

ودي الف الكون لك سبــع لفــا ت= وافك قيدن قاصرن عن خطاويك

يشدني لك شوق مره ومرات= وانوخ اركابي اليا حل طاريك

اتذكرك والحب فالقلب مامات = وقت جمع ماضي سنيني بماضيك

ماضيك والا حاظرك يالغلا مات= ياكيف ابدله واتناسا معا ليك

ترجمت لك حبي على كل لهجات= وانأ استمع وهيم ياصاحبي فيك

ويمضي علينا الوقت وتفوت ساعا ت= وانأ عيوني ما شبعت من موا ريك

يالله عسى باقي حياتك سلامات = والله لايشقي من الناس مغليك