همس الشقيه

[همس المشاعر]

ياشاعر(ن) يصنع من المفرده فن= ينظم ابيوت(ن) تعجب اللي قراها

غنابهايا صاح واقول له غن = مادام تفرق طيبها من رداها

لو كان جددت المواجع ولكن = بيض النجوم الساريه في سماها

تمرني في تالي الليل واعن = واسري مع عسر السنين ورخاها

الحزن غيم ويدوي القلب لاحن = فجر شراييني تردد صداها

لو كان ابين للعرب ضحكة السن = اخفي جروح(ن) ماتهيا دواها

اظن في دنياي وتخيب الظن=وابني لي آمالٍ لعل وعساها
واقول دورات الليال يدورن=والنفس تدرك في زمنها رضاها

همس الشقيه زادها بالشقا من = حرك مشاعروكرّس شقاها

لين احترق قلبي مثل حرقة البن = من بعد مافوّح على النار ماها

عسى الليالي اللي ابيها يمرن = واسعد مثل ناس (ن) سعيد مساها