الوقت مايل

[همس المشاعر]

الوقت مايل بالمصايب عليّـه=وش حيلتي ياناس فيما جرالي
ماغير دمعي وامسحه في يديّه=اجاري احزاني ويا ويل حالي
مابحت انا للخلق ماحل ّ فيّـه=ماني ببايحته ولو لي مجالـي
عزيزةٍ نفسي عزومـي قويّـه=أشيل همي لو يعدل الجبالـي
لكن خوفي من بعض هالبريّه=تشوفني وتقول ذي ما تبالـي
وانا خفوقي فيه نـار ٍ لظيّـه=أطفي حرارتها بصبر الجمالي
عسى توال الصبر هجر الأذيّه=تروح مايبقي لها عـاد تالـي
ويالله يالمعبودجـزل العطيّـه=تمدني بالصبـر فيمـا بقالـي
وتوهب لي النسيان منك هديّه=وقلبي عقب حزنه لفرحه ينالي