ياللي تمنى

[همس المشاعر]

ياللي تمنى شي ماهوب مثبوت = واللي فقد له شي وشلون يعطيه

خلّك تجرب لوعة الحب وتموت = وتجرب الحرمان ياحضرة البيه

ماينفعك لو تلحق الصوت بالصوت = وتقولي ياباشة الغيد لبيه

للميت لامن مات قبر(ن) وتابوت = واللي يموت تطيح عنه المشاريه

من بعد ماكنت اقرب الناس والقوت = اليوم مايسمعك قلب(ن) تناديه

غرّك زمانك واعتبر فاتك الفوت = وكل (ن)على مايستحقه نجازيه

ان كان عقلك كنه شعيل مفلوت = ماكل مايطري على البال تشريه

الناس ماغرة عن الفاتنه نوت = بنت الشرف ماكل شخص تصافيه

روح بدربك واترك القلب منحوت = من ضاع عن دربه فلاعاد يمديه


لاتحسبنّ القلب يفتح بريموت = القلب بيت للغلا مانت راعيه