()()_-_ أبا الهول _-_ ()()

[الديوان]

الله من قلبٍ همومه على طول=قامت تسوقه سوق بقفاي واقبال
شال العنى واشتال من وقته أحمول= وهواجسٍ بين المحاديب تجتال
ياوقت ماجا منك ماهوبمعقول=ياكثر ميلاتك والاقدار تنهال
قبل أسنوات أقول شده وبتزول=فتره وجيزه تعتدل كل الاحوال
لاشك قيدي بالغرابيل مفتول = خاب الرجا بالغيب والوضع مازال
يا الله أسألك والتجي لك وانا اقول=عجل بموتي قبل ماحتاج الانذال
ماسؤل فوقك واحدٍ عنك ماسؤل=الخاتمه كلاً يحاسب بالأعمال
عجايب الدنيا السبع منها أبا الهول=والاغرايبها تهاويل واهوال
كم صاطيٍ فكره مشتت ومشغول=مما جرى يصبح ويمسي وهو ذال
وكم خيرٍ بصدوف الأيام مشلول=صارع زمانه لين حده على الجال
الآدمي من والي العرش مكفول=ماكتب له محدٍ نقص منه مثقال
باب الفرج مفتوح ماهوبمقفول=والصبر مفتاح الفرج ضرب الأمثال
زار الصبر من نازح الهجس مرسول=وشربت لي من داعي البين فنجال
أحيان أحس اني عن الناس معزول=وأحيان اكذب صدق ياسي بالآمال
ابطيت في قاعٍ بالاحزان منزول= يجتاحني فيه القسا واشهب اللال
أظن قبلي ما وطابه ولازول= صحراه مهلكها الدهر بعد زلزال

الشاعر : سلطان بن مقعد الحضبي