مجلس شيوخ دوم عز ومهابه

[دمعة وداع]

يقال كل بنت بابيها معجبه
وانا اقول كل حفيده بجدها معجبه
جدي الغالي لا خلى ولا عدم ومجلسك عامر بحسك

الصدر ضاق وهاجس الليل صابه = وأمسى يدّور بالمجالس وناسات
وهب الهبوب وفايح الهيل جابه= من مجلس عامر.. تولاه شيخات
والرِجل بأمرالقلب غصب مشى به = يجي لها مع هزعة الليل سجات
للمجلس اللي مابعد صك بابه = دايم ركونه للمساير شرعات
ساعة لفى صوت (المهلي) بدأ به = اقبل يردد له سلام وتحيات
عج البخور اللي يماري ضبابه= وصفر الدلال اللي على النار مركات
وصفت شيوخ شيبها مع شبابه = كل يقول ال طيب يامسندي هات
وكل العلوم الطيبه فيه طابه = غير الكرم غير السلوم الأصيلات
تلقى الأخوه روح ود ودعابه = تلقى النفوس اللي بطبعه كريمات
مجلس شيوخ د و م عز ومهابه = فيه الكرم والجود طبع وعادات
طيب الأصل مع زين نفس وحبابه = وشموخ مجد يكسر الذل بسكات
اليا اجمتع فيه الأهل والقرابه = صاح السعد يامدور العز هيهات
بحضورهم كن المسيير سحابه = تزهى المجالس في بعضهم مريفات
يسلم لنا من أسسه وأعتنى به = وحافظ على سلوم الجدود القديمات
والشعر هام وكل قاف غدابه= خذاه في حسن النوايا مسافات
وأرجو السموحه كان قصّر نصابه = من دونكم حبال شعري قصيرات

دمعة وداع 16\10\1428