() نايف النايف () نص صدى لصوت الشاعرالمعروف : نايف عبدالله العتيبي

[سعد المسعودي]

بسم الله الرحمن الرحيم


أخواني وأخواتي

السلام عليكم ورحمة الله وبركاته

عاجزعن شكركم جميع لسؤالكم عن صحتي وهذا ليس مستغرب على أي منكم لإنكم أهل الطيب
وهذه ولله الحمد ميزه تمييزنا بها هنا نحن أهل الفلك جمعتنا الأخوه والمعزه فصرنا كالجسد الواحد
فلكم كل الشكر ..

أبيات متواضعه رداً على نص الشاعر المعروف : نايف عبدالله العتيبي .. وله كل الشكر ..وآمل إن يتقبلها برحابة الصدر لتواضعها البسيط لوقيست بشامخته ,,


نص الشاعر المعروف : نايف بن عبدالله العتيبي ..



ياصاحبـي ياقـرم يافـذ يابـيـه=ياواحدن مـن خيريـن الرجالـي
أبوي وصانـي وجـدي موصيـه=خلك مع الطيبيـن رجلـن موالـي
وأنت الرفيق اللي نتنومس بطاريه=وأنت الرفيق اللي قصيده دوا لـي
وأنا رفيقي يوم عسره مـا أخليـه=وأجب معه أقف على كـل حالـي
وواجب علينا كلنا ( الله نرجيـه )=يشفي سعد يوم الدعاء راس مالي
يا الله يا المعبـود أنـك تشافيـه=وأن زان حاله والله " أيزين " حالي
الله يبلغـه السـلامـه ويحيـيـه=وجعل المرض عن من نحبه يزالي
ماكل رجالن ( ليا ) طـاح نبكيـه=ولاكل غايب فـي غيابـه نبالـي
وزبـدة كلامـي ياسعدنـا وتاليـه=ماجـور والله ياسعدنـا ياغـالـي


وهذا نصي المتواضع كرد على شامخة أبوعبدالله




موصيه أبيه وجده موصي أبيه= بالطييب وأمرافق إكرام السبالي
يامرحبا بالقاف واللي مسويه = أعداد مالاحت بروق الخيالي
ترحيبنا لاهل المواجيب نبديه=ترحيب مشتاقن فرح له بغالي
بالوافي المخلص عزيز ٍ نحييه =بنايف النايف عزيز المعالي
نسل الحرار اللي تنومس طواريه =حر ٍ معرب من عمام وخوالي
حر ٍ بهامات المراقي مبانيه=منزاله برووس الهضاب الطوالي
هذا الرفيق اللي تكرم مجانيه =رفيقي اللي بان ..عسر الليالي
يانايف الجزل أنت عمه وراعيه =يا مصخرٍ قافك بزين المقالي
لاهنت ياللي تطلب الله وتدعيه =ولي بالشفاء تطلب عزيز الجلالي
يانايف اللي مثلكم نفتخرفيه =يامسندي لاشان وقتي ومالي
والختم نور الحق لازم نبديه =نايف وكل أهل الفلك بالكمالي
أسما من أيات الشعر في معانيه =أهل المعالي مكثرين السؤالي

الحرالأشقر