(ماجور والله ياسعدنا ياغالي ) رساله للحرالأشقر)

[الديوان]

السلام عليكم جميعاً

بـ أعبر عن شعوري بـ هدوء .. وسعد غلاه أكبر من ما أقول

الله يقومك بالسلامه ياسعدنا

,



ياصاحبي ياقرم يافذ يابيه=ياواحدن من خيرين الرجالي
أبوي وصاني وجدي موصيه=خلك مع الطيبين رجلن موالي
وأنت الرفيق اللي نتنومس بطاريه=وأنت الرفيق اللي قصيده دوا لي
وأنا رفيقي يوم عسره ما أخليه=وأجب معه أقف على كل حالي
وواجب علينا كلنا ( الله نرجيه )=يشفي سعد يوم الدعاء راس مالي
يا الله يا المعبود أنك تشافيه=وأن زان حاله والله " أيزين " حالي
الله يبلغه السلامه ويحييه=وجعل المرض عن من نحبه يزالي
ماكل رجالن ( ليا ) طاح نبكيه=ولاكل غايب في غيابه نبالي
وزبدة كلامي ياسعدنا وتاليه=ماجور والله ياسعدنا ياغالي

والله يقومكـ بالسلامه يابو يزيد


الشاعر: نايف العتيبي


///////////////////////////////////////////////////////////////////////////////


رد الشاعر : سعد المسعودي





موصيه أبيه وجده موصي أبيه= بالطييب وأمرافق إكرام السبالي
يامرحبا بالقاف واللي مسويه = أعداد مالاحت بروق الخيالي
ترحيبنا لاهل المواجيب نبديه=ترحيب مشتاقن فرح له بغالي
بالوافي المخلص عزيز ٍ نحييه =بنايف النايف عزيز المعالي
نسل الحرار اللي تنومس طواريه =حر ٍ معرب من عمام وخوالي
حر ٍ بهامات المراقي مبانيه=منزاله برووس الهضاب الطوالي
هذا الرفيق اللي تكرم مجانيه =رفيقي اللي بان ..عسر الليالي
يانايف الجزل أنت عمه وراعيه =يا مصخرٍ قافك بزين المقالي
لاهنت ياللي تطلب الله وتدعيه =ولي بالشفاء تطلب عزيز الجلالي
يانايف اللي مثلكم نفتخرفيه =يامسندي لاشان وقتي ومالي
والختم نور الحق لازم نبديه =نايف وكل أهل الفلك بالكمالي
أسما من أيات الشعر في معانيه =أهل المعالي مكثرين السؤالي


الشاعر: سعد المسعودي