() الفقيده ()

[الديوان]

بأقول لك قولي وعلـى الله تواسيـه=أحـرف برتبهـا بصـورة قصيـده
النور من نورك بـدت لـي مواريـه=والظلم منـك كـل يـوم(ن) تزيـده
لك حب(ن) بـقلبي وشعري عجز فيه=جاء يوصفه وازرا يجيـب السديـده
حاولـت لكـن دوك أبسـط معانيـه=يا علنـي أرضـي غـرور الفريـده
اليا أمطرت مزون صيف(ن) عليك أيه=مـدي يدينـك للمـزون المـديـده
شفتي الـذي عجزتـي أنـك تلميـه=ذا كثر حبي لـك يـا أغلـى فقيـده
أما الذي فـي يـدك أنـتِ جمعتيـه=أضـن هـذا شـوق قلـب العنيـده
اللي ضماك ويحسـب أنـك بترويـه=مايدري أن لك قلـب شبـه الحديـده
وحتى الحديد يلين لو كنـت مغليـه=وصرت المقيد وأنـتِ قفـول قيـده
من صغر سني وأنتِ اللـي أحاتيـه=وكبرت وأنتِ فـي فـؤادي وحيـده
وفجأه كذا رحتي ومـن دون تنويـه=ملعون درب الغـش واللـي يجيـده
ما أبي أقول أغليـه وأن راح ببكيـه=أبيـه لا مـن راح تبقـا قصـيـده
أذكر بها أيامي اللـي أهتنـت بيـه=وأنسى بها ظلـم الليالـي الشديـده
وأذكر زمان ومامضى يوم أنا أجيـه=وأكتب له أحبك وسط راحـت أيـده
ويضم يـده ويبتسـم لـي وأناديـه=الغالـي اللـي علنـي فـي وريـده
جعل القدر يزيـن لـي فـي تواليـه=ويرجع علـي اللـي تركنـي فبيـده
والا عساه أن شان وشانت طواريـه=يجعل حيـاة اللـي تركنـي رغيـده
أغليـه ظالمنـي ولكنـي أغلـيـه=والله لأغلـي مـن تركنـي وأريـده
ماهو بعيب ولا أبي أسمـع مشاريـه=الحـب أعمـى والمشاعـر مجيـده
صدق وطهر وشعور نابـع وبرويـه=ويالله عسا من غـاب أنـك تعيـده
فقـدت بعـده كـل ماكنـت هاويـه=الا الشعـر جانـي وهـذا جـديـده



الشاعر: نايف العتيبي