() __ الخطايا __ ()

[الديوان]

ياللي تعاتبني بليا خطايا=انت الخلف في واحدٍ مانسيته
شفتك تشابه له أبعض الحلايا= وطمعت في حبك وفعلاً شريته
يمكن يداوي:لي جروحٍ خفايا=ويمكن يعوض دمع عينٍ بكيته
ويمكن يبل اعروق قلبٍ ضمايا=وعزاه ماجامنك شيٍ بغيته
شتت آمالي والرجا والنوايا= وحطمت جسرٍ بمنياتي بنيته
اعطيك من قلبي جزيل العطايا=وقلبٍ عطاك من الغلا ما عطيته
يابعد فرقك عن فريد المزايا =اللي حليه فالعرب مالقيته
خفيف دم مفضلٍ بالسجايا=هادي ويسمع كلمتي لانهيته
اللي معي ياقف بكل القضايا=الله من ليلٍ لشوفه سريته
مايوم عاتبني بعيد المدايا= وأن ضاق صدري من همومي نصيته
لاشك راح ولابقاله بقايا=وزرعٍ زرعته للاسف ما جنيته
حيل الله أقوى ياصدوف المنايا=لو هو بكيفي رحت معه أو فديته
عزاي صبر وذكريات وهدايا= وعزاي ألآخر ماذكر أني عصيته
حقه علي أني لحفظ الوصايا=وأموت سره للبشر ماحكيته

للشاعر : سلطان بن مقعد الحضبي