() المكتوب (صوت) الكرامه ( صدى )

[الديوان]

المكتوب (صوت) للشاعرة : الدلعــنه

()() المكتوب ()()





الله من يومٍٍٍٍ ٍ قضيته لحــــــــالي =مالي ونيس إلا الدمـوع الهـميله
هم يصارعني على كل حـــــالي =مكتوب أعيش الهم عيشه ذليله
أذهب جنوب وجاجتي فالشــمالي = وأقفي عن الغربال وأرجع أجيله
يلعبي الهاجـــوس والفكــر خالي= وفكر ٍ بلا تفكـــــــــير ضيع دليله
يارجل ياللي رأس رجمك هيالي = ومهايفه من عقب رووس الطويله
شكوى جريح القلب منها شــكالي =في صفحة الحرمان جيت أشتكيله
نور ٍ فقدته عن عــــــيوني ليالي =فرقا الخــليل اللي يضيم الخــليله
وش عـــاد باقي ياقمر وش بقالي =في حزة ٍ كل العطــــايااا بخيله
مالي عن المكتوب مهما جــــرالي =هذا نصيب العـــمر هذا حصيله
موت الإجابه قبل عرف السـؤالي =مقتولة الحـــــــرمان ونفسي قتيله


الدلعــنه: أحلااااااهن
///////////////////////////////////////////////////////////////////////////

الكرامه ( صدى ) للشاعرة : العطااا

////////////////////////////////////////////////////////
()() الكرامه ()()



يامرحبا بك عد وبل الخيالي=هتان وسميٍ نشى من مخيله
يزمابه الوادي ويحداه جالي=والعود يروى والثرى من مسيله
وارد لأحلاهن جمال ودلالي=عمهوجتن مابالعذارى مثيله
الصبر نعمه والجلد راس مالي=لاصار مامن للتلاقي وسيله
عافي الذي عافك ولوكان غالي=من عاف قربك حاذري تنظري له
خوذي كلام اهل العقول الثقالي=صبرك على شيل الهموم الثقيله
ترى الكرامه (عزتك) ياحلالي=والموت اخير من الحياة الذليله
يابنت لاتبكين قطع الوصالي=ادعي لواحد عز من يرتكي له
للخالق المعبود رب الجلالالي=تلقين الأحسن بالسنين الطويله



الشاعرة : العطااا