()()... دعوة حمود ...()()

[سعد المسعودي]

بمناسبة دعوتي والشاعر المعروف : سلطان بن مقعد السبيعي ..
من قبل الشاعر : حمود الحارثي ..
لأحياء الأمسية الشعريه المقامه على عاتق أحتفال الأخ : سعود بن عبدالهادي الحارثي ..
وذلك ليلة الجمعه الموافق 26/11/1428هــ بالمزاحميه..
كتبت هذا النص المتواضع .. ..


http://www.s77.com/up/up10/3a999b144b.gif (http://www.s77.com/up)



أبدأ بإسم رب ٍ خلقني ومعبود = وعبادته مخلص بها له وحدها
الواحد الفرد الصمد مجري النود = والأض للمخلوق تحته مهدها
يالله طلبتك عدني كل منقود =ويالله عسى بالقول ماأحد نقدها
والشعر ينظم والفخر ياهل الجود =لاجيت أعده من وفاي لوعدها
للحفله اللي ذكرها صار منشود = ليلة فرح لسعود يضحك سعدها
أزكى التهاني وألف مبروك ياسعود=عساك تجني في حياتك رغدها
للموجبه كساب والوقت محدود =ورجل عرف ماجوبها ماجحدها
ولبيت داعي بالشرف دعوة حمود = ودعواه تبشر من وفاي بسندها
عند الرجال أهل الكرم وأزرق العود =اللي ينومس ساس أبوها ولدها
والطيب لأهل الطيب حبله وممدود = وكل ٍ على جود الكريمه وجدها
المجد هامة ورثة الساس لجدود = برهان ماضين الفعايل شهدها
قوم ٍ على الطالات من زود في زود = تسخي كفوف ٍ ماشكت من جهدها
حوارثٍ فالرووس للساده تسود = وتقصر يدين ٍ تعتلي فوق يدها
العزوه اللي تحتمي كل مضهود = من دونها حوض المنيه وردها
حامين من حده زمانه على الكود =لياشكى من جور حمله نكدها
والشعر لويأصل مدى كل مقصود = ماوصّل فعول الحوارث عددها
هذا وأنا من عزوة ٍ تحتمي القود = عتيبه الهيلا .. عهدها عهدها
لاجاء نهار ٍ .. خالط الملح بارود = من فعلنا .. موت الكبود بلهدها
الفعل مايحجب ولاهوب مجحود = وكل ٍ على تاريخ فعله رصدها
فعل القبايل مايبي ثابت شهود = تاريخهم بأفعال وقت ٍ شهدها
وختامها يالله عن كل منقود = وعن جاهل ٍ فالثوب ناره وقدها


الحرالأشقر
http://www.s77.com/up/up10/3a999b144b.gif (http://www.s77.com/up)



[/align]