_() على الشـــاشه ()_

[سعد المسعودي]

بين سودا نثيل وبين حشاشه=حظي اللي وزابي داخل الحشه
في زمان الشقى اللي كثروا عطاشه=مات جذعٍ يبس والغيث مارشه
هاجسي في ضميري لجت أهواشه=منه حالي نهار وليل مهتشه
كن قلبي مقرط فيه كماشه=من عروقه تجره جر عن جشه
راعي الماش مايمدح على ماشه=وراعي الغش مايشكر على غشه
والهواوي مثل فلمٍ على شاشه=كلٍ أيتابعه:وليا أنتهى طشه
طول عمره تبع مسراه مغباشه= في هوى الزين نفسه شفقتن هشه
والعذارى لكل الزين حواشه= والهواوي يهاب الحب ويدشه
لا هوى في هواهن صابه اخراشه= دمع عينه يبين غصب لو مشه
يطرد أيامه اللي عنه منحاشه= فرصة العمر دائم عنه منخشه

الشاعر : سلطان الحضبي السبيعي

سلطان الـشـــ ع ـــر