{قفـلـ باب الحب ـــت}

[غرام القوافي]

يصعب علي ياصاحبي ماضي ٍ راح = لادامت أفراحه ولا الحب دامي
ذيك الليالي عطرها كان فواح = بالحب وزاد الحب عشق وغرامي
خليتني لليل والدمع وصياح = وسؤال ؟واحد يرتجف في كلامي
ماتدري ان الصد للروح ذباح ..! ؟=وهم بصدري يتقّد بالهيامي ..!؟
منك الجفا ياهاجـري كـان وضـاح=صوبـت قلبـي يابعـد كـل رامـي
خلي هجرني واختفى هو والأفراح = يامن يوصل له حبيبي سلامي
لكن خلاص اليوم نجمي ترى لاح= يكشف خفايا وينجلي به ظلامي
قفلت باب الحب والقلب مرتاح = والعين صارت تهتني فالمنامي
لاعاد به دمعة ولا ذل وجراح = بسعى لفرحي وللفرح حيل ظامي
بدلت أنا أحزاني بضحكات ومزاح = خلاص بعكس ياحياتي نظامي
خل الهموم اللي على البال تنزا ح = مالي ومال أحزان ماض العوامي
خلاص باب الحب مقفول ياصاح = والقلب معلن توبته بالتمامي