()() هيبة ملاكــ ()()

[سعد المسعودي]

هيبة ملاك


صكيت باب ٍ للغـــــلا وأنفتح باب =بأسباب منهو في غرامه سرابي
القلـب عن حـب العــفيفات ماتاب = ولاينشــكي حب النقاء لوغدابي
حبٍ شريف وللشــــــرف مابعدعاب = وأنا على مبداه ســـارت أركابي
لاغاب عن ذهني عن العين ماغاب = له صورةٍ بالصوت فيها أنسكابي
من لطفها تقطف ثمر كل ماطاب =وتصبح غذاء للروح زاد وشرابي
ســيد الغرام وســـيد تلعات الأرقاب = حبه غذاء في روح دم ٍ جرابي
نور الملا بدرالدجاء سيد الأحباب = حاكم غلاها داخلي وأنتهابي
هيبة ملاك وسلطنه ترعب أرعاب = من شافها يشكي عطيب الصوابي
صويبها يعجز عنه طب الأطباب =يشكي عذابه مادرى عن عذابي
روعة حسن مملوحة الشكل جذاب = في وصفها تتعب حروف الأدابي
مجملٍ في خلقها رب الأرباب = ومن يأصف المجمول مأوفا النصابي
غرشوبة ٍ منها ترى عارضي شاب = تقطف زهر عمري وتنهي شبابي
تفرق عن اللي تلبس الجنز والكاب = فرق الحدب عن حد ضرب الجنابي
من ساسها منبع عريبين الأنساب = قوم يخلّد فعلهم فالكتابي
شيهانة ٍ مسكانها فوق مرقاب = عن الوطاء تشهر لرووس الهضابي

الحرالأشقر