))) الهــامه (((

[معتاد النفيعي]

يالحيتي ماني على اللاش مجبور= كم طيب ٍ بأسباب غلطه خسرته
ويالحيتي مادرج العمي والعور = والمعترض لويعترض ماسبرته
أعز نفسي وأعتلي عالي الكور = واللي عثر من دونها ماعثرته
العز شيمه والكرامه لها صور = سور ٍ حصين لياأنكسر ماجبرته
أشره على الطيب بقدره ومعذور = ولياشرح عذره تراني عذرته
ورجل حقر نفسه ترى مات محقور=واللي رضاءحقران نفسه حقرته
رجل على ماجوبها يحتر الدور = ورجل هجر فعل الكرامه هجرته
والهامه العليا لها العز منشور = وعنها القدم في واجبي ماقصرته
الشور عرف ويحكمه راعي الشور = عرفه حكيم بشورها لأستشرته
والرجل غاية ملحته داخل الزور = وعن سر قوله لاحكالي قبرته
الطيب ماهو عن أهل الطيب محصور = ولأقول كل الطيب عندي حصرته
إلاّ الردي عن سكة الطيب محضور = ودرب ٍ عبربه فالملا ماعبرته
أقلط على الماجوب ماأقلط على السور = وكف الكريمه للكرامه نذرته
والرفقه اللي تنتوي نية البور = عنها غني ورفقته ماأعتبرته
العيب مايستر ولاهوب مستور = فالوجه يبقى بين ٍ لوسترته
هذه شهادة حق ماقلتها زور = أقولها والصوت عالي جهرته
معتاد النفيعي