((((()طلع سهيل()))))

[عايض الرشيدي]

طلع سهيـل وذعـذع(ن) النسانيـس=هب البـراد وراح حـر السمومـي
الجو يسـوى جـو لنـدن وباريـس=والبر زانـت طلعتـه كـل يومـي
وين أنت يا راع الوفا متعب العيـس=اللي على قطـع الفيافـي عزومـي
ساس الرجال امبعديـن المراميـس=من فزعته شـرواه حظـه يقومـي
تشره عليه وشرهته تخـزي إبليـس=شرهة رجل ماهي بشرهة رخومـي
لامنّهـا تزاحمـت يخلـي الكيـس=زبونهـا يـوم إن كـل(ن) يسومـي
يجـود لاشحّـت يديـن المفالـيـس=مايخيب فيه الظـن عنـد اللزومـي
يشـوم مايتبـع طريـق الهلابيـس=عـن الطّمـان بعاليـات الرجومـي
أفخـر برفقـة كاسبيـن النواميـس=تشدنـي خـوة خيـار القـرومـي
للخيـر خيـر وللمعـادي مقابيـس=دايـم سوالفهـم بزيـن العلـومـي
ماهي علوم أهل الوجيـه المعابيـس=ماتعرف المفطر من اللي يصومـي
رماد نار تضيـع فيهـم حراسيـس=ياليت ربـي حـط فيهـم وسومـي
عنهـم يسلينـي هجـاد الغطاليـس=والبعد وافجـوج الوسيعـه يمومـي
والصّمت والعزّه وبيض القراطيـس=وعرف النشامـا طيبيـن السلومـي
وشوف الجبال مزبّنـات القرانيـس=وشوف الفياض الخضر بين الحزومي
يداوي الضيقـه وكثـر الهواجيـس=عن المكان اللـي يجيـب الهمومـي
أروي ضما ليلـى ومجنونهـا قيـس=إثنينهم من كـل عيـب امحشومـي