ذيب وضبي و ذكي وغبي،،

[سلطان الحضبي]

تهيضت مما فـي ضميـري وهيـض بـي=خـلاً خالـيٍ مـا فيـه ذيـبٍ و لاظـبـي
ولا بـه انـزول ولا مـوارد ولا هضبـي=بلاقـيـع خبـسٍ0 رظمهـا كنهـا 0عبـي
تصبرت لين الصبـر كمّـل وفيـض بـي=على هاجسٍ يسبـي فـواد الشقـي سبـي
عسى لايمن(سلطان بن مقعـد الحضبـي)=تجيب الليال السود لـه عكـس مـا يبـي
يحـده زمانـه والقـدر يقضبـه قضـبـي=يقوم ويطيـح ومـن ثقـل همـه أيحبـي
زمـان الغرايـب للغرابـيـل عرضـبـي=و0وطاني بميله غصب لين أفتـر أعصبـي
على غير شفي طول الايـام يركـض بـي=ولا فكنـي شــره ولا حـقـق اطلـبـي
من أصدوف دنيا البين جسمي تنافض بـي=أخفـي وشـرّي وسـط دمـي دبـا دبـي
أجـروحٍ أجـداد ومرمسـاتٍ تنقـض بـي=تعبت وعسـى ربٍ خلـق يخلـف اتعبـي
ألاحظ مثل غيـري وغيـري يلاحـظ بـي=لاشك الذكـي دايـم ذكـي والغبـي غبـي
أشوف الردي يامر على الكفو لو غضبـي=تأمر على اللي كان هو قبـل لـه صبـي
وعرف المنافـق يشبـه لفـارة الخضبـي=لايفتـي بـمـا لا جــازه الله ولانـبـي
خبيـث الطبايـع فـي غيابـي تلفـظ بـي=وانا أطيب منه هو 0وأطيب من أصله أنسبي
حقرت الجبان اللي عيونـه توغـض بـي=وطيبـت بالتقـوى أملـحّـاي و شنـبـي


{} سلطان السبيعي {}