التناقض،

[سلطان الحضبي]

بين جيليـن الجهالـه والثقافـه=قمت أجر الصوت وأعلن به وأنوّه

عفت حبٍ زاد حده وأصبح آفـه=أصبح آفه يعني أنه صـار قـوّه

والله أني خابرٍ طـول المسافـه=أبتداء هم الشقـي والليـل تـوّه

كـل شـيٍ مـا يناسبنـا نعافـه=نتركـه بالغصـب وألأ بالمـروّه

كود قلبي ماتـرك عنـه اللقافـه=حب منهو في صميمه شب ضوّه

صاحبي راع اللطافـه والنظافـه=والثقافـه والأدب والزيـن هـوّه

الغـلا لـه والمحبـه والولافـه=والمعـزه والصداقـه والأخـوّه

بس يرحمنـي وفـي الله يخافـه=لايعاملنـي كـذا كنـي عــدوّه

من جفايه من جفاه ومن جفافـه=شان جوي وأهني من زان جـوّه

ماعرف صبرٍ طويـل ولا كلافـه=من غرابيل الليالـي مـا تشـوّه

من وقف بين أستقامه وأنحرافـه=ماتوفـق والتناقـض زاد سـوّه



{} سلطان الحضبي {}